Kapitaun Oin Foun, Difikulta PM Taur Tarde Sama Ain ba Illa Ataúro

Ró Tranship II ne'ebé iha hela tasi laran. Ró Tranship II ne'ebé iha hela tasi laran. Foto Tempo Timor

Tempotimor (Ataúro)-Primeiru Mnistru (PM) no Ministru Interiór (MI), Taur Matan Ruak, halo viajen ba illa Ataúro no to’o iha portu tuku 11:34 oras timor-leste (otl), maibé hetan difikuldade hodi sama ain ba illa Atauro, tanba kapitaun ne’ebé lori Ró Tranship II oin foun no seidauk domina atu adere.

Tuir observasaun www.tempotimor.com iha terrenu nota, PM Taur Matan Ruak, to'o iha portu entrada Postu Administrativu Ataúro, iha tuku 11:34, maibé atu besik ba tuku 13:04 ona, seidauk bele tun husi ró laran, tanba hetan fallansu husi kapitaun ne'ebé kondúz ró ne'e, sei buka hela pozisaun atu hapara ró.

Kapitaun ne'ebé lori ró Tranship II ne'e, tenta dala-haat tutuir malu oinsá atu para ró ne'e ho di'ak, nune'e kareta sira bele sai husi ró laran, maibé to’o agora seidauk bele di’ak. Inklui tali boot ró nian ne'ebé uza hodi kesi atu dada ró ne'e mós kotu, tanba rasta husi ró nia movimentu.

Ba kestaun ne’e, www.tempotimor.com tenta dada-lia ho funsionáriu Alfádega ne'ebé destakadu iha portu Ataúro katak, kapitaun oin foun entaun to’o agora ró ne’e seidauk bele para hakmatek.

"Ró ne'e loloos para ona, mais tanba kapitaun ne'e ema oin foun ida husi Indonézia, ne'ebé agora nia sei konfuzaun oinsá atu para ró ne'e tuir nia fatin," dehan funisonáriu Alfandega ne’e iha portu entrada Ataúro nian, Sesta (11/06).

Maske nune'e, xefi Suku Villa Maumeta, Filipe Ximenes senti kontente, tamba ba dala uluk, Primeiru Ministru Taur Matan ruak hala'o vizita ba sira.

"Relasaun ho prezensa exelénsia Primeiru Ministru señor Taur Matan Ruak nian mai iha Ataúro, liu-liu mai povu Atauro ne'e, ami sente kontente tebes, tanba durante mandatu, señor PM nian, foin maka ita-nia exelénsia mai vizita Atauro, ne'e ami kontente tebes", dehan nia.(*)

Rate this item
(1 Vote)
Last modified on Friday, 11 June 2021 15:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter