"Ha’u hanoin se F-FDTL haree katak ema hirak ne'ebé sai kandidatu ba forsa, ne'e mak koñesimentu jerál kona-ba estadu, figura no líder nasionál sira, se sira la hatene, ne'e katak sira la prienxe rekezitu, eh sira la presiza pasa iha prosesu rekrutamentu,” dehan deputada Angelina iha Parlamentu Nasionál (PN), Kinta (10/06).

Vise Prezidente PN ne’e akresenta, atu defende estadu no nasaun tenke iha koñesimentu jerál kona-ba estadu no líder sira, tanba ne’e parte husi patriotizmu no nasionalizmu.

“Se sira (gadetas foun) laiha patriotizmu no nasionalizmu, ekipa panel tenke deside lalika fó liu sira, tanba sira-nia koñesimentu de'it ba buat sira hanesan ne'e sira la hatene, oinsá mak sira iha espiritu patriotizmu, nasionalizmu atu proteze no defende rai ida ne'e”, dehan nia.

Ba kestaun ne’e, PLP konkorda ho preokupasaun Tanente Jenerál F-FDTL, Lere Anan Timur, tanba realidade hatudu joven balun menus edukasaun sívika.(*)