Kazu Lahane, Lere ‘Defende’ Pozisaun Faustino

Xefe Estadu Maior F-FDTL, Tenente Jeneral Lere Anan Timur, konversa hela ho Prezidente Repúblika, Francisco Guterres ‘Lú Olo’, iha palásiu Prezidensial, Bairopite, kuarta (09/06). Xefe Estadu Maior F-FDTL, Tenente Jeneral Lere Anan Timur, konversa hela ho Prezidente Repúblika, Francisco Guterres ‘Lú Olo’, iha palásiu Prezidensial, Bairopite, kuarta (09/06). Foto Suplay

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jeneral Lere Anan Timur, defende Komandante Jerál PNTL, Komisáriu Faustino da Costa, tanba kazu ne’ebé komete husi membru sira presiza haree sistema iha instituisaun.

Tanba ajente PNTL tiru mate Filomino de Deus ho nia oan Camilo de Deus no hakanet Januário Pereira iha aldeia Ainitas Hun, Suku Lahane Osidentál, Postu Vera Cruz, Munisípiu Dili, sábadu (05/06), maibé fó sala mós ba instituisaun.

“Polísia tiru, ema hothotu fó sala ba komandante Faustino, ha'u dehan ita la bele fó sala loron kalan ba ema ida de'it, ita la fó sala instituisaun, fó sala mós ba instituisaun, tanba aban bele hasai Faustino, ohin bele hasai ema ba troka, maibé  polísia mak hanesan ne'e nafatin, ema ba mós la halo buat ida”, deklara Lere hafoin sorumutu ho Prezidente Repúblika, Francisco Guterres ‘Lú Olo’ iha palásiu prezidensiál Bairopite, kuarta (09/06).

Tanba foin dadaun governu deside sosa kilat ba Polísia Servisu Investigasann Kriminal (PSIK), maibé ida ne’e sei la muda dezentendimentu iha instituisaun.

"Ita la muda sistema, ita bele tau ema matenek iha ne'ebá mós buat ne'e aat nafatin, polísia ne'e hanesan iha deskontentementu boot tanba tempu ida ne'ebé sira halo avaliasaun hodi despromove ofisiál sira ba serjentu, serjentu sira ba fali ofisiál ida ne'e, podia ida ne'e la bele akontese, ida ne'e mós kria problema iha ne'e”, hatete nia.

Maibé Komandu nia sala la bele kontrola, mais Komisáriu PNTL la haruka membru ba tiru sidadaun ida, tanba sistema fó dalan ba polísia ida-idak lori nia kilat ba uma hanesan nia privadi.

“Polísia to'o agora laiha institutu, polísia mak hari’i uluk, ami (F-FDTL) ikus maibé F-FDTL nia instutu ne'e prevé dala-2 ou dala-3 ona, por que institutu ida uluk halo ne'e malae mak halo, mas bainhira implementa ne'e la han malu ho realidade nune'e polísia mós tenke muda”, hatete nia

Ho buat sira ne’ebé iha la bele fó sala hitu ba Komisáriu Faustino, “Tanba nia komandante, be imi fó sala ba Julio ka lae?, imi fó sala ba Loguinhos ka lae?, fó sala Paul ka lae?. Tenke fó sala ba sira hotu tanba foer sira ne'e Faustino mak lori”, deklara nia.

Maibé konfuzaun ho instituisaun polísia nia laran, tanba iha unidade barak hanesan BOB, rezerva ne’ebé hamosu naran barak.

"Husi problema  hirak ne'e, ha'u husu presiza halo  reflesaun ba sistema iha polísia ne'e la'o oinsá, ida ne'e mak presiza haree, labele kondena de'it", afirma nia.

Entretantu Diretór Asia Justice And Rights (AJAR), Jose Luis Oliviera hatete, atu muda sistema, maibé iha kontestu ida ne'e, Komandante Faustino parte ida mós husi sistema.

"Nia mak komanda sistema, agora ita presiza haree, failansu ne'e iha ne'ebé, kazu lahane la'ós uniku kazu de'it, kazu Tasitolu, kazu Tibar, polísia baku ema saneamentu, ida ne'e hatudu katak, buat ruma sala iha instutiusan polísia”,  dehan nia liuhusi telemóvel.

Tanba ne'e, presiza hadi’a, regulamentu, lei, ema, kontrolu, rekursu umanu tenke haree ema-nia mentalidade oinsá, saida mak forma polísia atu sai ajenta estadu, tenke haree mós ba jestaun ema iha PNTL laran. (*)

Rate this item
(4 votes)
Last modified on Thursday, 10 June 2021 00:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter