Login to your account

Username *
Password *
Remember Me

Komandu PNTL Desidi Hasai Membru MJ Ba Kazu Lahane

Komandu Jeral PNTL hala'o hela reuniaun iha kaikoli, kuarta (09/06). Komandu Jeral PNTL hala'o hela reuniaun iha kaikoli, kuarta (09/06). Foto Suplay

Tempotimor (Dili)- Komandu Polísia Nasionál Timor-Leste (PNTL) deside ona iha tempu badak sei demite ou hasai membru MJ ba kazu ne’ebé akontese iha Suku Lahane Osidentál hodi hamate ema na’in-rua no ida kanek todan.

"Bem, prosesu la'o hela, tanba ne'e mak ohin ita hato'o katak iha tempu badak ita sei halo ida ne'e. Tanba konsellu superior ne'e envolve komandante Munisípiu sira, komandante unidade sira mak sai hanesan membru konsellu ne'ebé orienta ona ba parte sekretariu konsellu nian, para oinsá ba oin atu haree ida ne'e”, deklara Komandante Jerál PNTL, Komisáriu Faustino da Costa hafoin sorumutuk konsellu superior iha komandu PNTL Kaikol, kuarta (09/06).

Haree ba insidente iha Lahane Osidentál, komandu hasai ona despaixu ida ba departamentu justisa PNTL hodi halo inspesaun ba membru sira nia servisu nomós halo jestaun utilizasaun arma.

"Ne'e mak orienta ona nafatin sira para servisu ne'e tenke la'o. La'ós de'it iha tempu loron, tempu kalan, tempu bainhira de'it. La'ós loron ferias ka loron servisu, ida tenke halohateten nia.

Komandu PNTL mós dezde tinan 2019 planeia ona planu ida oinsá atu instala kazerna foun ba membru sira nunee, labele hela hamutuk ho komunidade.

Maibé, planu refere, komandu PNTL sei aprezenta ba nivel governu hodi estuda no halo aprovasaun.

"Ne'ebé nafatin, sira ne'e mak ohin dehan katak ita sei instala, hasai ona ekipa ida atubele prepara buat sira ne'e hotu, nesesidade, para komandu aprezenta ba komandu, depois sei lori ida ne'e ba nível leten liu", haktenik nia.

Durante reuniaun konsellu defeza seguransa husi komandu PNTL nian, sira diskute mós kona-ba oinsá hadi'a bein-estar membru sira-nian iha futuru bele servisu ho profisionál liután hodi serví povu.

Entretantu, insidente iha Suku Lahane Osidentál, komete husi membru PNTL MJ, iha loron sábadu (05/06), maizumenus tuku 2:00 otl, hodi hamate Filomino de Deus ho Camilio de Deus, inklui Januário Pereira hetan kanek todan.

Maske nune'e, iha loron tersa (08/06), Tribunál Distritál Dili (TDD) deside aplika medida koasaun preventiva ba Arguidu MJ, tanba komete kazu omesídiu agravadu no tentada ne'ebé prevista iha lei kódigu prosesu penál Timor-Leste nian. (*)

 

 

Rate this item
(0 votes)
Last modified on Wednesday, 09 June 2021 13:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter