Jerasaun Patriota Husu Faustino Rezigna-an Husi KomJer PNTL

Komandante Jerál Polísia Nasional Timor-Leste (PNTL), Komisáriu Faustino da Costa. Komandante Jerál Polísia Nasional Timor-Leste (PNTL), Komisáriu Faustino da Costa. Foto Suplay

Tempotimor (Díli)-Jerasaun Patriota husu ba Komandante Jerál Polísia Nasional Timor-Leste (PNTL), Komisáriu Faustino da Costa, atu rezigna-an husi ninia knaar.

Tanba iha ninia lideransa membru PNTL hatudu atetude violentu no brutalizmu, hanesan mós akontese iha loron sábadu (05/06), oknum PNTL ne'ebé tiru mate veteranu Mateus de Deus (aman) ho Camilio de Deus (oan) no Januário Pereira konsege hetan tratamentu iha Hospital Nacional Guido Valadares (HNGV).

“Ami ejize atu Komandu Jerál PNTL senhor Faustino da Costa rezigna-an husi ninia kargu imediatamente hodi salva-guarda instituisaun sagrada ida ne'e. Kazu ida ohin nu'udar kazu barbarak ne'ebé hatudu aktu violentu no brutalizmu maibé Komandu Jerál nein foti medida no sansaun ruma”, dehan portavóz Jerasaun Patriota, Herminio Xavier iha sede Faról,
sábadu (05/06).

Nune'e, husu mós ba Primeiru Ministru (PM), Taur Matan Ruak, atu halo reform radikal hodi salva guarda instituisaun PNTL.

"Ami azije no rekomenda mós sua eselénsia Primeiru Ministru nu'udar mós Ministru Interior atu troka señór Faustino da Costa ho veteranu ativu ruma hodi bele lidera fali institusaun PNTL no reforma radikál ida relasiona ho instituisaun PNTL nian”, dehan nia

Tanba lei orgániku ne'ebé vinkula iha instituisaun PNTL hanesan iha artigu 4 kona-ba uza forsa no artigu 5 kona armmentu no farda nian. Iha artigu rua ne'e sita kompletu ona maibé hatudu momoos katak ierarkia PNTL nia falla totál.

Ho ida ne’e, PNTL rasik sei hamonu Estadu Repúblika Demokrátika Timor Leste ba dalan naruk, estadu ne'ebé sosa ruin no rán barak husi timoroan. (*)

Rate this item
(7 votes)
Last modified on Saturday, 05 June 2021 17:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter