Login to your account

Username *
Password *
Remember Me

Trajédia Lahane, Komandu PNTL Rekoñese Membru Tiru Sidadaun

Tempotimor (Dili)- Komandu Polísia Nasional Timor-Leste (PNTL) rekoñese aktu brutalízmu ba trajdia iha Lahane Osidentál ne'ebé envolve direta husi oknum polisia ida hodi hamate vitima nain rua lakon vida, no ida hetan kanek gráve.

"Akontesimentu ne'ebé mak ita hotu akompaña iha tuku 2 madrugada iha suku Lahane. Akontesimentu iha ne'eba, komandu rekoñese duni katak iha duni, e iha ema na'in-rua mak mate iha ne'ebá, e ida hetan kanek", dehan Komandante perasaun nasional PNTL, Superintendente Xefi Polisia, Pedro Belo liuhusi konferénsia imprénsa iha komandu jerál Kaikoli, sábadu (05/06).

Maibé, hafoin akontesimentu ne'e, komandu PNTL halo ona asaun liuhusi prosedimentu kriminal no dixiplinár.

Iha prosedimentu kriminál, Komandante Jerál PNTL, Komisáriu Faustino da Costa, orienta ona parte Polísia Nasionál Servisu Investigasaun Kriminal (PNSIK) hamutuk ho Polísia Siéntifika Investigasaun Kriminal (PSIK) hodi hala'o prosesu inisial ne'ebé hala'o hela.

"Ita hotu hein katak iha tempu besik mai sira bele remata ho prosesu tomak hodi entrega ona ba ministériu públiku, depois husi parte ministériu públiku mak sei entrega ba tribunal, juiz mak bele foti desizaun ba ida ne'e”, hateten nia.

Husi prosedimentu dixiplinar, komisáriu Faustino mós orienta ona departamentu justisa, hodi hala'o prosesu inisial ne'ebé mak oras ne'e la'o dadaun ona, no nia husu ba públiku atu akompaña de'it komandante jerál sei uza nia kompeténsia tomak hodi foti desizaun ba kazu asasintu ne'e.

Maske sei iha prosesu inisial laran, maibé lei dixiplinar fó dalan ba komandante jerál PNTL atubele foti asaun balu ne'ebé sei mosu iha tempu badak.

"Maibé buat ida ne'e ita hotu entrega iha prosesu investigasaun, tantu kriminal nomós dixiplinar. Hakarak atu fó hatene katak, kazu ne'ebé iha relasaun ho mate ou kanek, prosesu no finalidade iha hotu tribunál. Maluk sira imi hotu bele akompaña, ema sira ne'ebé mak envolve direta iha kazu sira ne'e, agora nia paradeiru iha ne'ebé, imi hotu hatene”, dehan nia.

PNTL iha duni prosedimentu ba uza kilat, la'ós dehan laiha, tanba ne'e mak komandante jerál orienta ona departamentu justisa atu hala'o prosesu inisial ne'ebé mak oras ne'e la'o hela.

Tanba ne’e, la'os dehan lei mak la forte, maibr lei forsa mak sidadaun hotu hamri'ik. Nune’e prosedimentu kriminal la'o, siknifika iha investigasaun nia liman, nia la'os iha fatin seluk.

Husi prosesu ne'e la'o duni ninia prosedur investigasaun ne'e la'o, oinsá mak la'o iha ne'ebá, hothotu akompaña, hein bainhira aprezenta ba tribunál.

“Imi hotu bele ba hein iha ne'ebá, para hodi bele hatene loos katak la'o ne'e oinsá. Buat ida segredu justisa ha'u la’o fakar fali iha ne'e. Ita hotu akompaña de'it, oras ida nia desizaun ne'e oinsá, ita hotu bele rona iha ne'ebá", haktenik nia.

Entretantu, kazu tiru mate vítima, Filomeno de Deus ho nia oan mane Camílio de Deus inklui hakanek nia mane-foun Januário Pereira, akontese iha sábadu (05/06), maizumenus tuku 02:12 madrugada (kalan-boot) iha Aldeia Ainitas-Hun, Suku Lahane Osidentál, Postu administrativu Cristo Rei, munisipiu Dili.(*)

Rate this item
(1 Vote)
Last modified on Saturday, 05 June 2021 17:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter