Print this page

Kronolojia Oknum PNTL Tiru Sidadaun Na’in-3 Iha Lahane

Tempotimor (Dili)-Kronolojia husi akontesimentu oknum Polísia Nasionál Timor-Leste (PNTL) ne'ebé tiru sidadaun na'in-3 iha Suku Lahane Osidentál, Postu-administrativu Vera Cruz, Munisípiu Dili, sabadu (05/06).

Vítima Januário Pereira ne'ebé hetan tiru iha Suku Lahane Osidentál konta katak, iha kalan boot maizumenus tuku 02 liu, sira rona ema ida hakilar husi liur, hodi bolu nia rian Camilio de Deus.

Bainhira nia ho banin-mane sai husi kuartu laran sai ba liur, sira haree membru Polisia Nasional Timor-Leste (PNTL) ho inisial (M) hamri'ik hela iha liur, kaer ho pistola hodi tiru direta ba nia ain.

Tanba kalan ne'e, atu ba jam 2, ema toba hotu ona, maibé rona lian hakilar, vítima sira mós hanoin kala saida, no sai ba liur membru polisia ne'e hamri'ik hela iha uma ninin nakukun ne'e.

“Ha'u ho katuas sai ba, katuas ba hamri'ik iha varanda, katuas haree, entaun nia see pistola mai lansung tiru ha'u-nia ain, entaun ha'u monu tun, ha'u dolar de'it para foti fatu ne'e kesi ha'u-nia ain ne'e. Katus (banin-mane) foin ko’alia nusá ó tiru ha'u-nia mane-foun, ne'e mak nia mós see tan ba katuas ne'e, katuas mós, monu fatin. Ha'u mós haree nia see pistola lansung”, haktuir Januario iha Hospitál Nacional Guido Valadáres (HNGV) Bidaun, sábadu (05/06).

Iha akontesimentu ne’e, hetan kanek iha ain sorin parte karuk, hodi dollar kedan ba rai, nune’e nia la konsege haree nia rian (Camilio) ne'ebé membru Polísia ne'e tiru, maibé nia rian monu kedan iha fatin.

Bainhira(oknum Polisia) ba la uza farda, ho sivil, kaos ho kalsa badak, ho xinélus, hodi hakilar kalan boot bolu matebia Camilo no sai ba foin hetan dezastre, maibé durante ne'e laiha problema ruma mak mosu entre sira.

"Nia tiru ha'u dala ida de'it, ha'u sees ha'u-nia ain mais la konsege, ba loos ha'u-nia ain. Nia tiru ne'e dala-tolu ba ami na'in-tolu, ha'u nane-foun, nomós ba banin-mane ho rian", hateten nia.

Hafoin hetan tiru husi Oknum PNTL ne'e, nia mós dollar tama ba kuart karan, bainhira sai fali mai, hetan de'it motorizada oknum PNTL nian ne’ebé para hela iha estrada ibun besik sira nia uma oin.

Durante insidente ne'e mosu, la rezulta sasán ruma estragu, maibé vítima Januario Pereira hetan kanek gráve iha ain sorin parte karuk, Mateus de Deus, ho Camilio de Deus monu no kate kedas iha fatin.

Iha akontesimentu ne'ebé Oknum PNTL tiru sidadaun na'in-3 ne’e rezulta Mateus de Deus (aman) ho Camilio de Deus (oan) hakotu vida no seluk dadaun halo hela tratamentu iha Hospitals Nasionál Guidu Valadares (HNGV).

Bainhira www.tempotimor.com tenta konfirma ho Portavóz Komandu jerál PNTL, Superintende Polisia Arnaldo de Araújo dehan, nia parte seidauk bele fó komentáriu, tanba seidauk simu dadus ruma husi servisu informasaun no investigasaun kriminal. (*)

Rate this item
(3 votes)
Last modified on Saturday, 05 June 2021 14:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items