"Fó avizu nafatin ba populasaun hotu atu kumpri regra OMS ho MS nian, fiskaliza nafatin ba fatin sira ne'ebé proibida atu halo atividades komérsiu tuir rezolusaun governu 55/2021. Husu ba ita hotu atu tuir ezame médiku diagnóstiku, kuandu ita hadomi ita-nia familia”, dehan Portavóz PNTL, Superintendente Polisia, Arnaldo de Araújo iha Kaikoli, tersa (01/06).
PNTL iha kompromisu atu fó apoiu ba ekipa MS hodi desimina informasaun ba komunidade oinsá atu prevene-an husi inimigu invizível Corona vírus ba populasaun sira hotu.
"Implementasaun estadu emerjénsia, serka sanitária, no konfinamentu jerál ba populasaun, la ignora servisu Polísia Nasionál Timor-Leste, atu kontinua promove kondisaun seguransa, prevene kriminalidade no hahalok sira ne'ebé kontra lei”, hatete Arnaldo. (*)