Konfrontu Iha Laleia, PNTL Manatutu Sei Buka Tuir Suspeitu

Portavóz Komandu Jerál PNTL, Superintendente Polisia, Arnaldo de Araújo. Portavóz Komandu Jerál PNTL, Superintendente Polisia, Arnaldo de Araújo. Foto Tempo Timor

Tempotimor (Dili)-Komandu Polísia Nasionál Timor-Leste (PNTL), Munisípiu Manatutu sei buka tuir suspeitu sira ne’ebé envolve konfrontu entre grupu balun iha Postu Administrativu Laleia.

Konfrontu ne’ebé mosu iha loron 11 fulan-maiu tinan 2021, maizumenus tuku 23:17, husi joventude sira iha Postu Administrativu Laleia, Munisípiu Manatutu, hodi rezulta ajente PNTL ida hetan kanek gráve.

Ajente PNTL ne’ebé hetan kanek bainhira ba hala'o atuasaun iha terrenu mak hetan tuda husi joven sira iha Laleia.

"Asaltu malu entre grupu, iha dia 11 de Maiu 2021, iha postu administrativu Laleia ne'ebé rezulta membru PNTL ida hetan kanek, tuda husi sidadaun sira. Oras ne'e dadauk prosesu ne'e la'o hela, e komandu Munisípiu Manatutu sei buka hela suspeitu sira ne'e, atu nune'e bele lori mai iha Manatutu, para hodi halo prosesu investigasaun”, informa Portavóz Komandu jerál PNTL, Superintendente Polisia, Arnaldo de Araújo, liuhusi konferénsia imprénsa iha Kaikoli, tersa (01/06).

Aleinde ne'e, insidente hanesan mós akontese iha Munisípiu Ermera, tanba mosu asaltu malu entre grupu Kolimau ho grupu Sete-sete (77), ne'ebé rezulta estragu no kanek.

"Suspeitu aprezenta-an ona mai iha komandu Munisípiu Ermera, no oras ne'e dadauk sei halo hela identifikasaun ba asuntu ida ne'e”, dehan nia.

Kauza husi baku malu ne'e, tanba de'it dezentendimentu ba malu, maibé situasaun iha Ermera di'ak no kontroladu hanesan mós iha Manatutu. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter