UNDP Prontu Kopera ho Governu Hamenus Risku Dezastre Naturál iha TL

Ministru Interior (MI), António Armindo (loos), enkontru hela ho Xefi misaun UNDP iha TL, Munkhtuya Altangerel (karuk) iha sala VIP, Vilaverde, sexta (21/05). Ministru Interior (MI), António Armindo (loos), enkontru hela ho Xefi misaun UNDP iha TL, Munkhtuya Altangerel (karuk) iha sala VIP, Vilaverde, sexta (21/05). Foto Tempo Timor

Tempotimor (Dili)-Organizasaun Internasionál husi United Nations Development Programme (UNDP) prontu atu koopera ho governu liuhusi Ministériu Interior (MI) hodi hamenus risku dezastre naturál iha Timor-Leste (TL).

"Ohin ami halo diskusaun kona-ba apoiu estratejia balu área parseria nian liliu kona-ba atu mellora redusaun risku dezastre, jestaun risku dezastre naturál no sistema alerta sedu no oinsá mak ami bele apoiu Ministériu Interior liuhusi Sekretariu Estadu Protesaun Sivíl atu iha mekanizmu ida ne’ebé di'ak hodi halo preparasaun kona-ba jestaun atu hasa’e rezilénsia komunidade hasoru no prevene dezastre naturál sira iha tempu udan”, informa Xefe UNDP, Munkhtuya Altangerel, liuhusi karta komunikadu ne'ebé www.tempotimor.com asesu, sesta (21/05).

Reprezentante misaun UNDP iha TL ne'e hatutan, importante duni atu halo diskusaun ho instituisaun relevante sira seluk hodi halo preparasaun ne’ebé sustentável atubele solusiona área hirak ne’ebé presiza duni apoiu hodi nune’é sei lori transformasaun ba ministériu ne'e.

Nune’e Ministru Interior (MI), António Armindo hato'o agradese ba komitmentu husi apoiu sira ne'ebé UNDP iha, tanba hakarak servisu hamutuk liután ho governu TL.

"Rekuñese presiza tebes atu mellora kooperasaun institusional ho parseria dezenvolvimentu sira, e ita agradese ba tulun ne’ebé durante ne’e hetan husi UNDP no husu atu sira kontinua apoiu Ministériu Interior iha futuru”, afirma nia. (*)

Rate this item
(0 votes)
Last modified on Saturday, 22 May 2021 12:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter