Vise Ministru Interior, António Armindo hatete, sistema online ne'ebé sei instala hanesan bainhira atu halo viajen husi Timor-Leste ba nasaun Austrália, to’o iha aeroportu sei la tau karibu, maibé se passaporte hodi komparasaun ho oin hafoin sistema bele deteta hodi simu.
Tanba tuir orientasaun Primeiru Ministru atual Ministru Interior, Taur Matan Ruak katak sistema hotu iha Ministériu Interior tenke online no intergradu.
Ho ida ne’e, hala’o enkontru ho IOM, maski seidauk pursentu atus-ida maibé tuir planu fundu husi governu Austrália ho Uniaun Europeia (UE) atu ajuda hodi stablese sistema refere.
“Ida ne'e mak ita hanoin atu aplika iha Timor-Leste mais servisu hamutuk ho ajénsia boot sira hanesan IOM tanba UN, sira iha esperensia ne'ebé di’ak e kuandu sira hetan fundu oituan husi governu Austrália ho UE ne'e sira mak sei jere, ita hakarak haree nia out come”, dehan António iha edifísiu Ministériu Finansas (MF) Aitarak-laran Dili, kuarta (05/05).
Tuir planu iha faze primeiru totál osan hamutuk millaun US$1.5 ne’ebé ajudu husi governu Austrália. (*)