Segundu Komandante PNTL munisipiu Dili, Superintendente Polisia, Euclides da Costa Belo dehan, komandu munisipiu Dili komprimenta operasionalmente rezolusaun governu númeru 45/2021, nune'e mós dekretu governu 2021, ne'ebé maka validu ona, no PNTL nia kna'ar maka komprimenta.
"Tanba ne'e maka komandu PNTL munisipiu Dili, embora de operasaun ne'ebé horseik hala'o, i ohin sinku-oras dadeer, koloka pessoal sira para nafatin garante fatin sira ne'ebé sidadaun sira utiliza ba desportu, liu-liu tasi ibun, tanba ne'e maka ohin, kaptura ezersitór sira ne'ebé mak halo ezersísiu iha tasi ibun ne'e, kuaje 24 pessoas, ne'ebé agora dadauk ne'e, ita submete hela ba prosesu identifikasaun prosesual", hateten komandante Euclides iha Kaikoli, domingu (02/05).
Nia dehan, sidadaun sira ne'e PNTL sei halo hela identifikasaun no sei komunika mós ba parte saúde nian ne'ebé servisu hodi teste Swab ba sira hafoin maka liberta sira.
Entretantu, atividade patrullamentu ne'e hala'o husi polisia eskuadra Na'in-Feto, Eskuadra Cristo Rei, Eskuadra Verra Cuz, sira servisu hamutuk ho forsa rezerva sira hodi halo kapturasaun ba sidadaun sira ne'e.(*)