Konsellu Ministru (KM) liuhusi reiuniaun iha loron kinta (29/04), aprova ona projetu Rezolusaun Governu nian ba renovasaun deklarasaun estadu kalamidade, ba loron 30 tan.
Tanba akontesimentu bee-sa’e no inundasaun iha Munusípiu Dili, iha dadeer rai-hun mutin loron 4 fulan-abríl tinan 2021, ne’ebé provoka husi siklone tropikál Seroja.
“Karik regra sira ne’ebé prevee iha Rezolusaun Governu ne’e nian ema husi rai-li’ur maka la respeita, autoridade polisiál sira sei komunika sira nia identidade ba Servisu Migrasaun”, deklara Fidélis iha Palásiu Governu, kinta (29/04).
Aliende ne’e, autoridade polisiál nian sira fiskaliza kumprimentu ba regra sira ne’ebé hatuur ona iha Rezolusaun Governu nian ne’e no aviza infratór sira katak se sira kontinua nafatin hodi la kumpre ba Rezolusaun ne’e, bele konsidera prátika ba krime dezobediénsia nian ida.
“Autoridade polisiál sira sei komunika ba Ministériu Públiku identidade husi ema ne’ebé, hafoin avizu ne’ebé prevee iha fraze anteriór, kontinua la respeita regra sira ne’ebé prevee ona iha Rezolusaun Governu ne’e nian”,afirma. (*)
