Tanba ne’e, rekrutamentu F-FDTL iha tinan 2021 sei tarde, tanba sei preokupa hela ba prevensaun surtu Covid-19.
"Rekrutamentu sei halo tarde oituan, dalaruma iha fulan-agostu ou depois hein vasina ne'e mai, ita vasina hotu tiha mak bele komesa rekrutamentu, tanba ita tauk mosu fali cluster ida iha ne'eba bele kria problema boot ba ita hotu", dehan Paixão hafoin sorumutu ho Primeiru Ministru, Taur Matan Ruak, iha rezidénsia Farol, tersa (27/04).
Preparasaun tékniku ba rekrutamentu ne'e, iha tinan 2020 kedan, dadaun halo revizaun oituan hodi hein realiza.
"Sira pratikamente iha alistadu hotu ona, desde tinan kotuk klaru ke agora halo prova revizaun oituan maibé lalais la kleur ona hanesan tinan uluk, prosesu ne'e la kleur ona lalais deit", afirma nia.
Antes ne'e, governu liuhusi reuniaun Konsellu Ministru aprova ona rezolusaun kona-ba rekrutamentu F-FDTL ne'ebé sei hala'o iha tinan 2021.
Iha rezolusaun ne'e, atu rekruta membru F-FDTL, Feto no Mane hamutuk na'in-600, ne'ebé séi kolóka ba komponente tolu hanesan, 240 ba Navál Lijeira, 240 ba Forsa Terrestre, no 120 ba unidade sira seluk. (*)
