PNTL Sei Apoiu Reseita Estadu Ho Pasa Revista

Tempotimor (Dili) - Komandu Polísia Nasional Timor-Leste (PNTL) Munisípiu Dili liuhusi unidade tránzitu sei hala’o pasa revista ba transporte sira hodi apoiu reseita ba Estadu.

Tanba atividade passa revista bainhira deteta erru ruma husi infrator sira, polísia sei aplika multa no pasa nota atubele ba selu iha banku tuir lei.

Komandante Polísia Tránzitu, Inspetór Polísia, Domingos Gama hatete, kona-ba infrasaun ninian, iha semana tolu ka haat ba kotuk, polísia fó toleransia ba motorista sira, hodi la'o livre lai tanba serka sanitária no konfinamentu obrigatóriu.

Maibé dadauk ne'e, movimentu transporte públiku no privadu sira hahú sa'e maka'as fali, tanba ne'e atividade passa revista hahú hikas atu kontrola movimentu sira hodi evita asidente labele sai boot.

"Ita la halo revista, ka halo cheeck point, ne'ebé númeru reseita ba ita-nia estadu ne'e tun. Iha semana ne'e, fulan ida ne'e pelumenus, ita-nia reseita ba estadu ne'e tun, tanba ita tolera", dehan Gama durante akompaña membru sira halo passa revista iha estrada ibun besik KMD iha Kaikoli, tersa (27/04).

Tanba, durante tempu toleransia sira haree hanesan komunidade barak mak abuza lei hodi halai tuir idaidak nia hakarak.

"Abuzu demais ona, entaun komandu orienta para ami atu halo filafali atividade ne'e hanesan baibain”, dehan nia.

Segundu komandante Munisípiu Dili, Superintendente Polisia, Euclides Belo hatutan, bainhira transporte sira ne'ebé laiha xapa matrikula, ida ne'e sai sujeitu ba operasaun polísia nian no sei laiha toleránsia.

"Lei hatete ona katak, sé mak kondúz motorizada, karreta, operasionalmente utiliza aspal estrada boot ne'e, tenke iha ninia asesóres ne'ebé kompletu, inklui xapa matrikula", dehan Euclides iha nia kna'ar fatin ohin, tersa (27/04). (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter