Print this page

Lere: Pistola Ilegal Ida Deit Ne'e Diak Hela Featured

Tempotimor (Dili) - Xefe Estadu Maior Jeneral F-FDTL, Majór Jeneral Lere Anan Timur, la sente iha ameasa husi kilat ne'ebé agora tama ona Timor.

Tuir nia, pistola ida deit ne'e sei la implika ba instabilidade nasional. Tanba nasaun balun iha kilat bot no pistola ilega barak maibe situasaun lao normal nafatin.

"Nasaun barak hanesan Angola ne'e kilat ilegál barak la amesa Angola, agora Timor ne'e pistola ida de'it ne'e diak hela", tenik nia, iha Palásiu Prezidensiál Bairru-Pité, Kuarta (12/6).

Nia dehan, lalika hakfodak ho kilat ilegal ne'e, husik ema sira ne'e tiru mak haree. Tanba la fiar katak ema ne'e sei uza pistola ne'e hodi fo ameasa ba povu Timor tomak.

"Husik nia tiru mak ita haree sira, seida'uk tiru ne'e ita lalika tauk sira, tiru mak ita haree, ne'e mak husik tama ba, husik tama nia atu halo saida", dehan Lere.

Veteranus ne'e dehan, kilat ilegál tama iha Timor labele fó sala ba polísia tanba aparellu ida atu deteta buat ne'e laiha, hanesan foin lalais droga musan rihun ida resin tama ba Indonézia ne'e fó sala ba Polísia mas aparellu deteta buat ne'e laiha.

Entretantu, Ministru Defeza, Filomeno Paixão dehan, Polísia Siéntifika Investigasaun Kriminál (PSIK) mak ema ne'ebé treinadu atu bele buka tuir. Nune'e, ba ne'ebé lori pistola ilegal ne'e husik PNTL no F-FDTL mós ema iha terenu para atu buka hatene lalais.

Rate this item
(6 votes)
Last modified on Thursday, 13 June 2019 13:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items