Print this page

PNTL Autoriza Negosiante Fa’an Produtu iha Fronteira Munisípiu

Tempotimor (Dili)- Komandante Jerál Polísia Nasionál Timor-Leste (PNTL), Komisariu Faustino da Costa fó autorizasaun ba negosiante sira atu fa’an produtu iha fronteira Kapitál Dili ho Munisípiu sira seluk.

Tanba desizaun governu kona-ba sesta sanitária no konfinamentu domisiliáriu ne’ebé bandu sidadaun sira halo movinmentu, maibé negosiante sira ne'ebé lori produtu mai husi Munisípiu bele fa'an de'it iha fronteira ka pontu entrada Tasitolu, Kasnafar-Manleuana, no Fatuahi.

Komisáriu Faustino dehan, durante hahú konfinamentu obrigatóriu ho serka sanitária iha kapitál nasaun ne'e nian, hato'o bebeik ona ba populasaun sira liliu negosiante sira ne’ebé tun husi Munisípiu mai iha Dili ho distánsia.

"Koneksaun katak dala ruma mai, sira troka sira nia kondutór, balu lae, maibé balu nafatin ne'ebé laiha, entaun wainhira sira to'o iha fronteira ne'e, sira tenke fa'an tiha de'it, tanba sira labele liu”, deklara Komisáriu PNTL iha postu seguransa Tasitolu Dili, sesta (02/04).

Tuir lei sirkulasaun ida ne'ebé ko’alia kona-ba vendedór ambulante sira ne'e, foka liuba sira ne'ebé iha nivel Kapitál Dili, maibé ema sira mai husi Munisípiu mós lori produtu mai fa’an.

"Agora atu autoriza nia la'o tama livre hotu, ne'e la’e. Hanesan mós sira iha laran ne'e atu autoriza sai de'it mós, la’e. Ne'ebé ha'u hanoin ida ne'e mak ita-nia komunidade presiza intende”, dehan nia.

Maibé, dala-ruma populasaun sira hasoru difikuldade balu kona-ba modo ne'ebé sira lori husi Munisípiu mai aat de'it iha dalan, maibé sira labele asesu mai kapitál laran, tanba laiha dokumentu autorizasaun ruma hodi komprova sira atubele tama.

"Iha dokumentu ruma para autorizasaun ba sira, ida ne'ebé iha laran ne'e hola karik, fa’an tuir folin ne'ebé baibain, lalika aproveita oportunidade hodi aumenta sasán nia folin”, haktenik nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items