Login to your account

Username *
Password *
Remember Me

PNTL Rekolla Koima US$7,000.00 ba Kofre Estadu

Motor ho kareta sira ne'ebe durante ne'e kona koima para hela iha kuartel PNTL munisipiu Dili nian iha Kaikoli, Kuarta (31/3) Motor ho kareta sira ne'ebe durante ne'e kona koima para hela iha kuartel PNTL munisipiu Dili nian iha Kaikoli, Kuarta (31/3) Foto Tempo Timor

Tempotimor (Dili) - Durante atividade halo passa revista iha semana ida nia laran hahú husi loron 20 too 26 fulan-marsu tinan 2021, husi komandu PNTL Munisípiu Dili, liuhusi unidade tránzitu prende ona motorizada hamutuk 203 ho kareta hamutuk 26 no konsege rekolla koimas husi infratór sira hamutuk rihun US$7,008.00 (rihun-hitu, dollár ualu) hodi hatama ona ba kofre estadu.

Komandante Tránzitu iha PNTL Munisípiu Dili, Asistente Polísia Domingos Gama dehan, tuir sira-nia relatóriu semanal hahú husi loron 20 to'o 26 fulan-marsu ne'e, mosu kazu, maibé la gráve.

"Ita mós iha ita-nia pasa revista ka cheek point, ita prende motorizada hamutuk 203, karreta 26, e osan ne'ebé mak ita hatama ba kofre estadu iha semana kotuk loron 6 de'it ne'e hamutuk Us$7,008.00, ida ne'e mak ita hatama”, informa komandante Poltranz Munisípiu Dili, iha Kaikoli, kuarta (31/03).

Husi kuantidade motorizada 203 ho karreta 26 ne'ebé PNTL prende, balu nia na'in kontra kódigu estrada, tanba kondutor ho motorista sira laiha karta kondusaun, laiha dokumentu motorizada, xapa matrikula laiha, ho nune'e mak polísia nafatin implementa.

"Dokumentu sira ne'ebé mak mate iha tempu estadu emerjénsia iha 2022 sa'e mai, ou pelu-menus 2020 nia laran sa'e mai tama ona estadu emerjénsia, ita bele tolera, mais antes mate iha 2019 ba kotuk, ita labele tolera, tanba iha posibilidade para sira adianta, mas sira rasik la interese, entaun ita passa nafatin infrasaun”, dehan nia.

Kona-ba kazu asidente 4 ne'ebé mosu, tanba motorista ka kondutor sira halai la bazeia ba situasaun real Kapitál nian ne'ebé laiha konsiénsia.

"Halai la ho atensan, kada vez hola ema seluk nia dalan barak liu, i ita-nia joven sira balu mós konsumu alkohol, lanu, maske númeru minimu, maibé joven sira kuandu involve iha asidente ne'e, barak liu mak konsumu alkóliku”, hatete nia.

Maske nune'e, nia dehan, alvu husi operasaun hotu ne'ebé durante sira halo, foku liuba arma branka karik iha sidadaun balu lori iha tempu estadu emerjénsia nia laran.

"Mais tempu hirak nia laran ne'e ita halo observa, maibé ita la deteta katak kona-ba arma branka”, nia hakotu.(*)
[13:44, 31/03/2021] Lospalos Jaksen: SEKoop Elizário Sai Orador Internasionál Husi Zoom

Tempotimor (Dili) - Sekretáriu Estadu Kooperativa (SEKoop), Elizário Ferreira, hetan konvite direta husi Asian Confederation Credit Union (ACCU) hodi sai nu'udár oradór iha workshoop internasional ida ho tema jestaun kooperativa.

Maske workshoop ne'e realiza de'it liuhusi "Zoom meeting", maibé hala'o iha ámbitu ida amigável tebes entre jestór kooperativa sira hotu iha nivel internasionál ninian.

"Reuniaun ka worshop kona-ba jestór sira-nian ne'ebé mak ha'u rasik hola parte hanesan jestór ne'ebé mak hetan konvite direta husi Asian Cofederation Credit Union (ACCU)”, hatete Elizário Ferreira ba jornalísta sira iha nia kna'ar- fatin Akait, tersa (30/03).

Iha worshop ne'e oradór sira ko’alia foka liuba asuntu kooperativa nian, liliu kona-ba oinsá mak atu dezenvolve atividade ida ne'ebé fó nia kontribuisaun ba dezenvolvimentu umanu, dezenvolvimentu setór real nomós dezenvolvimentu teknolójiku.

Nia mós hala'o reuniaun ho aliansa kooperativa internasional sira hodi ko’alia kona-ba progresu kooperativa iha Timor-Leste nian, tanba aliansa kooperativa internasional ho ninia misaun ida mak hakarak atu suporta kooperativa sira iha rai laran.

"Entaun, reuniaun ne'e hala'o ho ámbitu ida amigável teb-tebes durante iha loron 26 to'o 27, e sei kontinua aban ho reuniaun ida via zoom ho aliansa kooperativa internasional ho sira-nia reprezentantasaun iha Timor”, dehan nia.

Aliansa kooperativa internasional nian iha TL, ida mak Uniaun Europeia (UE) rasik, ne'ebé kontinua iha loron kuarta (31/03), tanba tuir nia haree iha progresu di’ak hodi halo preparasaun hasoru situasaun covid19, nune'e servisu kooperativa sira labele mate.

"Sé lockdown ne'e termina, saida mak atu halo. Ne'e signifika katak fó kontinuasaun ba programa ne'ebé iha. Maibé sé lockdown ne'e kontinua nafatin iha, saida mak ita tenke halo.Ida ne'e mak sai preukupasaun parte sekretária estadu nian atu kontribui ba estabilidade ekonómiku nasaun nian”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter