Login to your account

Username *
Password *
Remember Me

PNTL La Taka Movimentu Transporte iha Díli

Vise Ministru Interiór (VMI), António Armindo Vise Ministru Interiór (VMI), António Armindo Foto Arkivu

Tempotimor (Díli)- Vise Ministru Interiór (VMI), António Armindo hatete, Polísia Nasional Timor-Leste (PNTL) sei la taka movimentu transporte iha Kapitál Díli, tanba laiha desizaun hodi hapara atividade urijente.

Maske informasaun ne’ebé fó sai husi mídia sosial facebook katak movimentu transporte iha Kapitál Díli durante loron sábadu no domingu sei taka, maibé informasaun refere lalos, tanba iha movimentasaun ho karater urijente sei bele la’o nafatin.

Maske kapitál Díli aplika hela serka sanitária, maibé iha loron hirak liuba, númeru movimentu hahú aumenta, hanesan tempu babain, tanba ne'e, parte seguransa aviza ba ema hotu, atu mantein iha ida-idak nia uma, hodi kumpri regra protokolu ne'ebé mak fó sai ona, maibé la signifika atu taka totál.

"Notísia ida hatun ne'e, ho nia objetivu ne'e, tanba loron tolu ou haat liu ba iha Díli laran ne'e, sai hanesan babain tiha ou loron babain, tanba ne'e mak, ita-nia polísia tránzitu ho sira patrullamentu ne'e, hodi fó hatene, aban imi labele la'o, ida ne’e la signifika katak atu bandu no taka totál, maibé imi labele la'o, liuliu mak mikrolet, taxi no motorizada sira ne'ebé hakarak la'o pasiar tuir sira hakarak hanesan tempu babain, ida ne'e labele, tanba tenke kumpri regra, hothotu tenke halo konfinamentu obrigatóriu”, dehan António ba www.tempotimor.com via telefone, sesta (26/03).

Ba ema ne'ebé atu sai, bainhira iha nesesidade esensiál ruma, maibé nafatin kumpri regra ne'ebé mak estabelese ona durante ne’e.

"Ita hothotu kumpri, tanba di'ak ba ita, ida ne'e mak métodu prevensaun, laiha tan dalan seluk, maibé ita la bandu ema atu ba sosa sira-nia hahán, sosa ai-moruk no ba ospitál”, esplika nia.

Maske, atividade seluk ne'ebé importante kontinua la'o, maibé presiza hetan guia sirkulasaun husi Sentru Intregradu Jestaun Krize (SIJK).

Enkuantu Governu aplika serka sanitária iha kapitál nasaun ne'e, sei termina iha loron 2 fulan-abril tinan ne'e, iha tuku 23:59 otl.

Informasaun ne’ebé www.tempotimor.com asesu iha facebook Komisariu PNTL, Faustino da Costa, iha loron sesta (26/03) katak, na parte rezeita informasaun ne’ebé espalla no konsidera hanesan falsu.

“Kalan di’ak ba ita hotu, hodi Komandu PNTL nia naran hakarak klarifika ba públiku katak informasaun neebe sirkulasaun publikamente konaba UEP hamutuk ho Díli atu halo operassem hodi hapara atividade hahú aban (27/03), ida ne’e lalos no husu ba públiku atu hala’o atividade bazeia ba rezolusaun neebe governu fo sai no oras ne’e vigor hela. Obrigado wain e dala ida informasaun espalla ne’e Hoax”, deklara Faustino.(*)

Rate this item
(0 votes)
Last modified on Friday, 26 March 2021 23:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter