Joven Na'in-Rua Hetan Agregasaun Fíziku Husi "Intelejénsia"

Joven nain rua ne'ebe hetan agresaun fizika husi ema balun Joven nain rua ne'ebe hetan agresaun fizika husi ema balun Foto Suplai

Tempotimor (Dili)- Joven na'in-rua ne'ebé hela iha área aitarak-laran, Aldeia Anin Fuik, Suku Kampun Alor, Postu Administrativu Dom Aleixo, Munisípiu Dili, hetan agregasaun fíziku maka’as husi inteléjensia.

Tuir vídeo no imajen sira ne'ebé viral iha mídia sosiál (facebook) sidadaun sira ne’ebé deklara-an intelejénsia halo agregasaun fíziku maka’a hasoru joven na'in-rua ne’e.

Joven ida ne'ebé inisial S, tatto iha kakorok anti Polísia F-FDTLno BOP haktuir, sira intelejénsia na'in-8 mak bá kaer sira na'in-rua iha uma, loron domingu 21 fulan-marsu parte loraik maizoumenus tuku15:00 otl.

"Horseik jam 3:00, sira mai foti ami iha Fomentu, sira dehan intelejen ne'e mak ami sa'e karreta, sira baku ami husi uma andar leten to'o rai, depois baku to'o ami sa'e karreta, sira dehan, loos ona, ida lori karreta telefone tiha sira nia Maun Alin iha Beto marinir, sira hein ami nakonu, ami-rua foin to'o, simu kedan ami na'in-rua baku dolar, la'o aleja, ha'u horseik la'o la di'ak kedas, sira lori ami-rua ba BOP sa'e bá Bairo-pite, sira telefone fali polísia iha kaikoli, kaikoli lori fali mai ai-mutin, depois lori fali bá kaikoli hodikalan ami rua tama sel”, dehan nia iha aitarak-laran, segunda (22/03).

Ho agresaun fiziku ne’ebé halo hasoru joven na’in-rua ne’e, ho kondisaun fiziku ne’ebé ladi’ak iha tempu kalan lori kedan ba ospital hodi hetan tratamentu médiku hafoin lori fila.

“Hodikalan ha'u mós senti la di'ak, sira lori ha'u bá ospitál ne'e mak lori fali mai atu tama fali sel, ha'u sente la dun di'ak sira lori fali ha'u mai uma”, dehan nia

Nune'e mós joven ida ho naran inisial AC afirma krónolozia husi kazu ne'e katak, ema ne'ebé mak bá kaptura sira na'in-rua ne'e deklara an intelejénsia.

"Kaer ami iha Fomentu, ha'u mós toba hela nia ho nia kolega mai foti ami, nia dehan, tuir mai ha'u intelejen ne'e mak ami mós tuir, ha'u hanoin dehan, atu lori ami bá polísia, entaun ami mós entrega-an, agora ami tuir nia bá tun fali iha Beto marinir, ha'u dehan bá kolega, ita-rua mate ona, bá ema oho ita-rua ona karik, ne'e mak kolega dehan, la hatene loos. Sira lori bá maun ida lori karreta telefone kolega lai, entaun hodi ami bá balu kraik ami rua iha ne'ebá”, kinta tuir.

Antes ne'e problema iha aitarak-laran rezulta kalen hotu nakles no motorizada ida rahun, nune'e joven na'in-rua ne'e bá fali iha Fomentu mak hetan kapturasaun.

Nune'e, joven na'in-rua ne'e dadaun iha hela sira-nia hela fatin, Bairo aitarak-laran. (*)

Rate this item
(4 votes)
Last modified on Monday, 22 March 2021 16:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter