Login to your account

Username *
Password *
Remember Me

Kaptura Suspeitu Tatto Anti PNTL, F-FDTL no BOP, Buka Tuir Joven Halo Agresaun Fiziku

Suspeitu Tatto Anti F-FDTL, PNTL ho BOB Suspeitu Tatto Anti F-FDTL, PNTL ho BOB Foto Suplai

Tempotimor (Dili) - Polísia Nasional Timor-Leste (PNTL) liuhusi komandu Munisípiu Dili, kaptura ona joven mane na’in-rua ne’ebé tatto iha kakorok hakerek anti PNTL, Falintil-Forsa Defeza Timor-Leste (F-FDTL) no Batallion Ordém Públika (BOP). Maibé kontinua buka tuir nafatin joven ne’ebé halo agresaun fiziku hasoru suspeitu.

Sidadaun na'in-rua ne'e ho naran inisial AD ho AC ne'ebé PNTL kaptura iha loron domingu 21 fulan-marsu tinan 2021, iha Kapitál Dili.

Segundu komandante PNTL Munisípiu Dili, Superintendente Polísia, Euclides da Costa Belo hatete, sidadaun na’in-rua ne'e, antes ne'e komete kazu asaltu no estraga ema nia propriedade iha área Kampung Alor, Dili.

"Sira na'in-rau ne'e, ida mós nia kakorok ne'e viral ho Tatto ne'ebé hakerek anti PNTL, anti F-FDTL nomós anti BOP, ne'ebé Tatto iha sira-nia kakorok ne'e”, dehan Komandante Euclides iha nia kna'ar-fatin Kaikoli, segunda (22/03).

Tuir informasaun ne'ebé, na'in-rua molok ne'e komete mós kríme hasoru ema seluk, maibé tanba lakohi koopera ho autoridade seguransa, nune'e sira halai subar to'o kaptura fali iha lorondomingu, (21/03).

Hafoin ida ne’e, sira na'in-rua sai filafali vítima ba asaun husi grupu ida ne'ebé halo filafali asaun ba sira, hodi impede, nunee ikus mai PNTL kaptura sira-na'in rua.

"Devia sira kuandu kaptura ona, guarda de'it, komunika mai polísia ba foti para submete ba prosesu investigasaun ka submete ba partisipasaun prosesula para sira na'in-rua responde ba aktu ne’ebé sira na’in-rua komete. Mosu tan filafali asaun seluk torturasaun, baku, agresaun fizika hodi sira nai’n-rua mós sai filafali vítima ba asaun krime", haktenik nia.

Atuasaun polísia nian la haree ba parte a ka b, polísia haree ba saida mak akontese, konsidera katak krime, polísia foti medida, tanba ne'e PNTL sei buka tuir nafatin sira ne'ebé halo agresaun fizika hasoru sira na'in-rua.

“Dadauk ne'e alin na'in-rua ne'ebé mak nia foto viral ne'e agora iha ona detensaun polísia nian para sira ne'e kompletamente ba prosesu investigasaun ida ne'ebé seksaun investigasaun kriminal PNTL Dili dirije”, dehan nia.

Sidadaun ne'ebé transporta suspeitu AB ho AD inklui halo mós video iha karreta laran hodi lori ba Bairru Pite, oras ne'e entrega-an ba polísia eskuadra Aimutin hodi kontinua prosesa tuir lei.

Segundu Komandante ne'e dehan, tuir lei kódigu penal, sé mak ho meius saida de'it, fizikamente halo terus no hakanek ema seluk, ida ne'e krime, no tanba sá mak akontese, sei responde atu sira ne'e ba seksaun investigasaun kriminal ne'ebé polísia halo.

"Purtantu, sira seluk ne’ebé halo asaun ba sira na’in-rua ne'e mós paradeiru agora dadauk polísia buka tuir hela, para sira mós submete hotu ba atu partisipasaun prosesual ne'e para investigasaun komandu PNTL Munisípiu Dili halo”, hakotu nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter