PNTL Sei Submete Sidadaun Na'in-21 ba MP

Komunidade sira ne'ebe viola regra Serka sanitaria iha Dili ne'ebe PNTL lalin hotu ba eskuadra PNTL Munisipiu Dili iha Kaikoli, Domingo (14/3) Komunidade sira ne'ebe viola regra Serka sanitaria iha Dili ne'ebe PNTL lalin hotu ba eskuadra PNTL Munisipiu Dili iha Kaikoli, Domingo (14/3) Foto Suplai

Tempotimor (Dili) - Segundu Komandante PNTL Munisípiu Dili, Superintendente Polisia, Euclides da Costa Belo hatete, sidadaun na'in-21 ne’ebé polísia detein hela iha sela polísia Kaikoli iha loron sábadu (13/03) sei submete interrogatóriu dahuluk iha tribunal hafoin entrega ba Ministériu Públiku (MP).

"Horseik lorokraik ita kaptura sira kuaze na'in-20-resin, dadauk ne'e iha detensaun. Sira na'in hirak ne'e aplikas ona detensaun ba 72 oras, ninia sistemátika iha prienxe hotu ona, ne’ebé sei submete sira ba primeiru interrogatóriu iha tribunál, hafoin lori ba Ministériu públiku”, dehan Euclides iha nia kna’ar fatin, domingu (14/03).

Tanba rezolusaun governu nian númeru 12/2021, iha loron 08 fulan-marsu tinan 2021 ne'ebé impoin kona-ba Serka Sanitária (SS) iha kapitál Nasaun hodi evita moras surtu Covid-19.

Maske nune'e, sidadaun balun kontinua viola regra hodi halo atividade desportiva no halo movimentu iha fatin públiku mak PNTL halo kapturasaun no detein hela iha sela.

"Ne'e atividade desportu ne'ebé ita kondena sira ho dezobidiénsia tuir lei kódigu penál, ne'ebé sira la obedese ba regra ne'ebé sira hasai oan, no polísia konstitui sira hanesan detidu ne'e”, dehan nia.

Bainhira husu kona-ba sidadaun sira ne'ebé kaptura deskonfia iha mós membru husi autoridade defeza ho seguransa nian, maibé Euclides hatete, sira ne’ebé hetan detensaun hanesan sidadaun hotu no maiória ema foinsa'e sira ne'ebé hala'o atividade desportu iha fatin públiku.

Haree ba regra prevensaun Surtu Covid-19 nian iha rai laran mak halo distansiamentu fiziku no sosiál, uza máskra, fase liman bebeik ho sabaun ka hand sanitizer.(*)

Rate this item
(1 Vote)
Last modified on Sunday, 14 March 2021 15:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter