Login to your account

Username *
Password *
Remember Me

F-FDTL ho PNTL Halo Patrollamentu Konjunta Iha Baukau

Tempotimor (Dili) - Komandante Polísia Nasionál Timor-Leste (PNTL) Munisípiu Baukau, Armando Monteiru hatete, Falintil-Força de Defesa Timor-Leste (F-FDTL) ho PNTL nafatin halo patrollamentu konjunta ba situasaun seguransa iha Baukau.

Servisu ne’ebé hala’o husi instituisaun rua ne’e bazea ba kazu pozetivu Covid-19 ne'ebé foin lalais ekipa husi Ministériu Saúde deteta iha munisípiu Baukau, atu nune'e komunidade mantein nafatin medida preventiva ne'ebé iha.

"Primeiru ami estabelese Sentru Jestaun Krize Munisipál, iha loron segunda feira kedan hahú hala'o servisu maibé iha loron sábadu, domingu no ohin ita nafatin sensibiliza ba movimentu transporte komunidade atividade komersiante no negosiante iha Baukau laran", dehan komandante ne’e liuhusi telemovel ba www.tempotimor.com, kinta(11/03).

Maibé to’o agora sei kontinua sensibiliza regra estadu emerjénnsia no medida prevensaun surtu pandamia covid-19 ninian.

"Segundu husi ekipa vijilánsia ida ne'e mós halo ona amostra ba ita-nia komunidade ida ne'ebé deskonfa afetadu husi Dili mai Baukau no filafali mai Dili foin hetan rezultadu husi analiza laboratóriu fó sai iha Sentru Jestaun krize nasionál", haktuir nia.

Husi ne’e faze dahuluk haruka ba ona laboratóriu no halo ona koordenasaun ho komunidade atu lori tan fatin balun ne'ebé konsidera deskonfia, no foti tan sampel 90 resin lori halo analiza iha laboratóriu.

"Ita iha ekipa Integradu iha Jestaun krize iha munisipál ida ne'e kompostu husi liña departamentu destakadu iha munisípiu tantu husi Forsas no PNTL ninian", informa Armando.

Iha perte datolu ninian servisu komandu konjuntu operasaun koordenada F-FDTL ho PNTL kontinua patrolamentu atu haree ba situasaun Seguransa iha Baukau laran.

"Ita-nia komunidade atu halo movimentu ba Dili depende ba urjensia entaun pedidu mai iha ne'e ita kanaliza ba Sentru Jestaun krize nasionál nune'e bele hetan autorizasaun, foin ida ne'e rezultadu mai mak ita halo koordenasaun Komunikasaun komandu Manatuto tantu Dili hodi nune'e ita-nia komunidade mai Dili ka husi Dili mai Baukau", haktenik nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter