Tuir eis Sub Xefe Estado Maior das FALINTIL iha tempo luta ba Libertasaun Nasional ne'e dehan Timor-Leste mós independensia ne'e dala ida deit, tanba ne'e sé mak asegura iha Timor ne'e mak timoroan sira ne'e, liu ida ne'e mak lider sira ne'e no maun sira ne'ebé antiga jerasaun sira bolu komandu da luta.
Timor ne'e nasaun ne'ebé kiik maibé riku, entaun forsa armada ninia papel mak garantia soberania nafatin.
"Ha'u husu deit ba ita nia maun sira ne'e tuur hamutuk tanba ita nia situasaun ne'e", tenik nia, iha Palasiu Prezidensiál, Bairru-Pité, Kuarta (29/5).
Tenke rekoñese aan katak iha pais boot rua nia-laran mas iha mundu ne'e la destinge nasaun soberania boot ka kiik, riku ka kiak, kestaun dignidade no kestaun rai no amizade ho nasaun hotu ne'ebé ajuda Timor.
Lere dehan, maun boot Xanana, Taur Matan Ruak sé mak bele hanorin sira? Só konxiensia deit mak bele, tanba familia barak mak mate.