Login to your account

Username *
Password *
Remember Me

PNTL Estabelese Ona Polísia Komunitária iha Suku 328

Komandante jerál PNTL, Komisáriu Faustino da Costa prezidete hela workshop ida ho komandan munisípiu 12 ho RAEOA hodi diskute konaba planu asaun anual Polisiamentu Komunitáriu nian ne'ebé realiza iha Otel Towwer Fatuhada, segunda (22/02) Komandante jerál PNTL, Komisáriu Faustino da Costa prezidete hela workshop ida ho komandan munisípiu 12 ho RAEOA hodi diskute konaba planu asaun anual Polisiamentu Komunitáriu nian ne'ebé realiza iha Otel Towwer Fatuhada, segunda (22/02) FOTO Tempo Timor

Tempotimor (Dili)- Komadante Jerál Polísia Nasionál Timor-Leste (PNTL), Komisáriu Faustino da Costa, hatete komandu PNTL estabelese ona Konsellu Polisiamentu Komunitáriu iha suku 328 iha territóriu nasionál.

Nia dehan, suku iha tereitóriu timor laran tomak hamutuk 452, maibé komandu PNTL estabelese ona Konsellu Polisiamentu Komunitáriu, iha suku 328 seluk sei iha hela prosesu nia laran.

“Suku iha teritóriu timor laran hamutuk 452, tanba ne'e hahú iha tinan 2015 to'o agora ita estabelese ona Konsellu Polisiamentu Komunitáriu iha suku 328, restu sei iha hela prosesu, maibé suku iha teritóriu timor laran kolokasaun Ofisiál Polísia Suku (OPS), kada suku iha hotu ona,” dehan Komisáriu Faustino da Costa ba jornalista sira iha Hotel Tower, Fatuhada, Dili, segunda (22/02).

Nia afirma, maske OPS estabelese ona iha suku 452, maibé komandu eskuadra polísia koloka Ofisiál Polísia Suku (OPS), sira halo servisu dupla funsaun iha suku, tanba ne'e liuhusi enkontru ne'e husu komandante PNTL munisipiu idak-idak tenke identifika problema saida mak sira enfrenta iha munisípiu atu aprezenta ba komandu.

Tranba ne'e programa ne'ebé identifika aprezenta ba iha komandu jerál PNTL hodi halo analiza ba programa sai prioridade iha nível nasionál, hafoin mak fó ba komandante hotu-hotu atu implementa kada munisípiu sira.

Iha fatin hanesan, Team Lider ba programa Apoiu Polisiamentu komunitária, husi organizasaun Asia Fundation, (TAF), Adelio Tilman, hatete durante ne'e organizasaun TAF halo servisu kooperasaun fó apoiu ba PNTL ne'ebé hetan apoiu fundu husi nasaun Nova Zelandia, ne'ebé haree liubá iha área filozófia polisiamentu Komunitária nian.

Tanba ne'e The Asia Fundation, koopera ho Komandu jerál PNTL hodi fó apoia no estabelese estrutura ida ba kosellu polisiamentu komunitária sira ne'ebé apoiu iha área formasaun nian.

“Kooperasaun ne'ebé mak iha to'o agora ami fó ona formasaun ba membru KPK sira iha munisípiu hotu-hotu hamutuk suku 300-resin, ne'ebé tuir nia establesimentu estrutura iha nível suku laran,” tenik nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter