Komisáriu Faustino dehan, kestaun movimentu ilegal iha fronteira, daudaun ne'e la'ós PNTL mesak mak halo servisu, maibé ekipa prevensaun COVID-19, F-FDTL, ne'ebé komandu koloka ona iha ne'ebá inklui lideransa komunitáriu sira halo kontrolu másimu iha fronteira.
“Ha'u hanoin kestaun ilegal iha fronteita Ita-boot sira jornalísta hatene tanba nesesidade populasaun nian,"
Komandante Jerál PNTL ne'e informa ba jornalista sira iha Hotel Tower, Fatuhada, Dili, segunda (22/02).
Nia esplika, razaun movimentu ilegal kontinua akontese iha fronteira, tanba ema iha intensaun duni hakarak halo aktividade negósiu ilegál no sidadaun sira iha rai ketan ho situasaun moras COVID-19 fó ameasa ba sira-nia vida entaun sira tenke fila, tanba nee maka kada loron númeru sira ema tama ilegal tenke akontese duni.
Nia hatutan, movimentasaun ilegál seluk ne'ebé akontese iha fronteira, tanba sira planeadu bainhira halo viajen husi nasaun ida ba nasaun ida tenke kumpri protokolu husi Organizasaun Mundi Saúde (OMS), tenke halo teste iha 24 oras, tanba ne'e timoroan sira iha provínsia Kupaun halo ona teste iha oras 24, hafoin ba iha Mota-ain no Mota-masin mak taka, entaun sira labele fila ba ona ba Kupaun, maibé tenke entrega aan ba UPF.
Nia haktuir, iha movimentu ilegál seluk akontese iha fronteira, komunidade ne'ebé hela besik iha liña fronteira ulun to'os família barak sira espalla balun hela rai iha sorin Indonezia, no bainhira akontess lia ruma iha parte sorin, sira nonok halai lakon husi TL ba tiha Indonézia fila mai ilegál tenke kaptura.
“Hahalok sira hanesan ne'e mak ita tenke kaptura hodi halo prosesu tuir ita-nia kódigu penál ne'ebé vigora ona iha Timor-Leste,” hakotu nia. (*)
