Tersa, PNTL halo Autópsia ba Mate-isin MCS

Tempotimor (Dili)- Komandante Polísia Nasionál Timor-Leste (PNTL), liuhusi ekipa forensic nasional hamutuk ho doutór espesialista sei halo autópsia ba mate-isin MCS nia iha aban (23/02), tuku 09:00 dadeersan iha Hospital Nacional Guido Valadares (HNGV).

Inspetór Nasional Forensik, Aquiles Sarmento Varela, dehan, tuir loloos ohin segunda (22/02) ekipa atu halo ona autópsia ba mate-isin MCS nian, maibé ekipa hasai matebian husi zeleira laran mai es batu kona isin tiha hotu ona, entaun ekipa deside aban tersa (23/02) mak sei halo autópsia, tanba ne'e mate-isin daudaun ne'e sei tau hela iha sala mortuáriu HNGV, Bidau.

“Ami hasai husi zelera sai tiha es batu, tanba ami rai ona iha sala mortuáriu, aban, 23/02 tuku 09:00 mamar tiha mak halo autópsia ba mate-isin", dehan Aquelino Sarmento Varela ba jornálista sira liuhusi telemovel, segunda (22/02).

Nia dehan, Ministériu Públiku (MP) fó ona autorizasaun ba doutór sira iha Ho HNGV atu halo autópsia ba matebian MCS nia isin ne'ebe ho mate mistériu iha apartamentu Rafa iha área Hudi-Laran, Dili ih loron kuarta, 17 Fevereiru foin lalais ne'e.

Nia hatutan, família matebian MCS konkorda atu halo autópsia ba mate-isin, tanba ne'e ekipa Polísia Forensik Nasional hamutuk ho doutór espesialista sira iha HNGV sei submete mate-isin ba prosesu autópsia, hafoin entrega hikas ba família atu halo prosesu funebre iha Aileu.

Entretantu Komandante Jerál PNTL, Komisáriu PNTL, Faustino da Costa, hateten matebian MCS mate iha apartamentu Rafa iha área Huni-Laran, no dadaun iha hela prosesu investigasaun.

“Ha'u hanoin kazu ida-ne'e prosesu investigasaun la'o hela, ha'u seidauk bele fó-sai informasaun, tanba mate-isin sei halo autópsia no ita inísia hela prosesu espera katak ita sei hetan kauza loloos husi akontesimentu, tanba saida mak ema ne'e mate iha otel", hatete Komandante Faustino.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter