Sosiedade Sivíl husu Governu Fasilita Drone ba PNTL no F-FDTL

Tempotimor (Dili)- Organizasaun Sosiedade Sivíl husu Governu fasilita teknolojia ba Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) hodi monitoriza movimentasaun ilegál iha área fronteira.

Sosiedade Sivíl ne'ebé hato'o ejizénsia ne'e komposta hosi FONGTIL,TLCE, GGT no RFTL.

Reprezentante Sosiedade Sivíl atuál Diretór Ezekutivu FONGTIL Daniel Santos do Carmo, hateten ekipa sosiedade sivíl iha Timor-Leste, alerta apoia ba servisu hodi evita kombate pandemia covid19.

Sosiedade Sivíl husu ba governu liuhusi Ministériu Interior no Ministériu Defesa atu fasilita fasilidade teknolojia hanesan Drone ba PNTL no FFDTL atu kontrola movimentu ilegál iha fronteira," Diretór FONGTIL Daniel Santos do Carmo, ko'alia iha Kaikoli, tersa(16/2).

"Sosiedade sivil hola pozisaun ida-ne'e tanba kazu ativu COVID-19 dezigndamente kazu detetadu sira-ne'ebé mai husi paizajen ilegál iha país nune'e halo kuida saúde públiku populasaun no impede transmisaun komunitária iha territóriu nasionál," nia katak.

Sosiedade Sivíl sira husu governu atu haforsa liña fronteira liuhusi mobiliza involvimentu komunidade, autoridade komunitária hodi apoia PNTL no F-FDTL hodi kontrola movimentu ilegál, atu lockdown ba munisípiu Bobonaro, Covalima no RAEOA.

"Husu ba governu atu asegura nafatin disponibilidade ai-haan no materiál sanitária ba komunidade munisípiu Bobonaro, Covalima no RAEOA hodi korresponde nesesidade bázika hodi la prezudika durante lockdown," Diretór FONGTIL ne'e propoin.

Nia hatutan, Parlamentu Nasionál halo desizaun ho seriedade hodi hola vasina nune'e bele halo ona vasina ba sidadaun ho obrigatóriu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter