Tuir Lere, nu’udar reuniaun regular ho autoridade marítima ninia, ne’ebé deskute ba regulamentu sira, regularidade autoridade maritima, regulamentu diresaun maritime inklui regulamenu kapitania sira-nian.
"Autoridade marítima estabelese ona, ita-nia estadu aprova ona kona-ba autoridade maritima nian, agora ita presiza kria kondisaun kuandu ita halo buat ruma, entaun ita prevé kedas ba tinan 2050, tanba ne’e hanesan última da hora ona,” Dehan LAT hafoin remata audiénsia ho Autoriedade Marítima iha Fatuhada, Kinta (11/2).
Nia hatutan, to’o agora rekursu sira hanesan ró, rekursu umanu, materia, meiu selu-seluk ne'ebé seidauk iha, tanba Covid-19entaun sai mós obstákulu ida atu dezenvolve servisu i obstákulu ba governu atu hala'o.
Iha fatin hanesan Kapitaun Mar e Guerra Hígino das Neves katak, regulamentu ekipa prepara hotu ona, ne’ebé antes ne’e komisaun asuntu tasi halo ba grupu haat inklui Alfa Bravu Charle, maibé tanba liña ministeriál balun la ativu entaun hela deit mak Alfa Bravu Charle.
"Regulamentu auto tasi nia agora iha Ministru nia liman ona, atu lori ba Konselu Ministru (KM) para bele halo apresiasaun, se konkorda aprova, se la konkorda lori fila fali mai para hadi’a fali, Maibé, agora dadauk sira servisu mak regulamenu autoridade marítima nasionál, regulmentu diresaun marítima nasional, ba departamentu marítima " dehan Kapitaun Hígino
Nia afirma, molok ne’e, ministériu balun la ativu, maibé agora ministériu sira komesa iha vontade fali ona, entaun hein katak iha lei dadaun iha diploma legál regulamentu nia, ne'ebe aprova iha setembru 2020, ne’ebé dehan Marsu teke remata, maibé buat barak sei halo, hanesan regulamentu Polísia Unieal Marítima seidauk iha, entaun fiar katak husi despaxu sira ohin nian, ekipa bele termina bazeia ba previzaun ne’ebé iha.(*)