Login to your account

Username *
Password *
Remember Me

UPF Pasa Revista kartaun identidade Sidadaun iha Fronteira

Portavóz Komando Jerál PNTL, Superintendente Xefi, Arnaldo de Araújo koalia hela ba média sira liuhosi konferénsia imprénsa iha komjer Kaikoli, segunda (08/02 Portavóz Komando Jerál PNTL, Superintendente Xefi, Arnaldo de Araújo koalia hela ba média sira liuhosi konferénsia imprénsa iha komjer Kaikoli, segunda (08/02 Foto Tempo Timor

Tempotimor (Dili)- Atu evita ema labele tama ilegal mai iha Timor-Leste, Polísia Nasionál Timor-Leste (PNTL) liuhusi Unidade Patrullamentu Fronteira (UPF) daudaun ne'e hahú atividade pasa revista ba kartaun identidade husi sidadaun sira-ne'ebé atu tama mai Timor-Leste.

Portavós Komandu Jerál PNTL, Superintendente Xefe, Arnaldo de Araújo hatete, atividade pasa revista ne'e membru UPF sira hala'o, bazeia ba orientasaun ordén husi Komandu Jerál PNTL nian hodi halo prevensaun ba moras Covid-19 atu labele da'et mai TL.

"Ne'ebé atu prevene ema atu tama no sai ilegalmente, ne'e komandy hatun orden ba munisípiu sira hotu atu mantein iha liña fronteira, ho liña entrada ne'ebé maka ema tama mai. Agora daudaun halo hela pasa revista ba ema sira-ne'e, liuliu ba haree sira-nia kartaun rejistu, atu nunee katak ema ne'e mai husi ne'ebé, ema ne'e husi Ermera ka Maliana, ka husi ne'ebé, keta halo ba ema ne'e mai fali husi rai seluk", dehan nia liuhusi Konferénsia Imprénsa iha Kaikoli, segunda (08/02).

Tuir nia, surtu Covid-19 sai hanesan moras ida-ne'ebé lori ameasa boot tebes ema hotu nia vida, inklui ema hotu iha mundu tomak, tanba ne'e maka oras ne'e UPF halo hela kna'ar iha fronteira.

"Ida ne'e para ita atu prevene hodi bele haree ema-nia movimentu tanba sai iha liña fronteira. Ha'u hanoin polísia halo nia kna'ar ne'e tuir regra ho lei ne'ebé maka hatene ona," tenik nia.

Nia dehan, atividade pasa revista hanesan medida ida di'ak hodi evita ema labele hakat ilegál mai Timor-Leste.

"Ida ne'e maka ita tenke mantein nafatin para ema labele lori moras mai. Ita hatene katak, agora daudaun ita-nia maluk sira ne'ebé suspeitu ba moras ida-ne'e, komesa redus daudaun ona, iha inísiu ne'e aas, agora reduz daudaun ona", dehan nia.

Nia konsidera, númeru kazu pozitivu Covid-19 iha TL hahú menus tanba, ema hotu iha kooperasaun ne'ebé di'ak ba malu hanesan komunidade sira, seguransa ho MS rasik.

"Ita hotu iha kooperasaun di'ak ba malu maka hodi bele ita nia nasaun ida-ne'e livre husi mate Covid-19," nia hatete.

Nia mós husu ba komunidade sira hotu atu lalika hakfodak ho atividade pasa revista ne'ebé polísia halo, tanba servisu polísia nian hodi halo prevensaun ba surtu COVID-19.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter