Print this page

PNTL Prende tán Motorizada Rua husi Grupu NAKROMA iha Likisá

By January 27, 2021 2209
Motorizada sira ne'ebé durante ne'e hetan na'ok husi grupu Naok-teen rona malu (Nakroma) PNTL munisípiu Dili prende ona no para hela iha resintu Komando Dili, iha Kaikoli, kuarta (27/01) Motorizada sira ne'ebé durante ne'e hetan na'ok husi grupu Naok-teen rona malu (Nakroma) PNTL munisípiu Dili prende ona no para hela iha resintu Komando Dili, iha Kaikoli, kuarta (27/01) Foto Tempo Timor

Tempotimor (Dili)- Komandu PNTL munisípiu Dili, iha tersa horisehik (26/01), prende tán motorizada rua ne'ebé durante ne'e deskonfia lori subar husi grupu Naok Teen Rona Malu (NAKROMA) ne'ebé tenta atu lori halai ba parte oeste nian, maibé la konsege tanba polísia Dili prende tiha iha área munisípiu Likisá.

"Horseik ita foti motór (motorizada) rua tán husi área Likisa ninian, husi grupu Na'ok Teen Rona Malu ne'e (Nakroma), signifika katak motór sira lakon ne'e, la'os lori mai iha Dili laran de'it, maibé foti iha Dili, bele fa'an fila-fali ba munisípiu sira seluk", Komandante PNTL Dili, Superintendente Xefe Henrique da Costa, ko'alia iha Kaikoli, (27/01).

Nia hatutan, durante ne'e liuhusi atividade operasaun, PNTL Dili prende ona motorizada hamutuk rua-nulu-resin-rua (22) husi grupu NAKROMA sira, maibé tanba horisehik prende tán motorizada rua iha Likisá, nune'e númeru aumenta ona ba rua-nulu-resin-haat (24) ne'ebé envolve suspeitu hamutuk na'in-lima(5) ona mak sira kaptura.

"Maibé, tanba operasaun sei kontinua hela, númeru evidénsia bele aumenta no suspeitu mós bele aumenta, maibé horisehik ne'e laiha, ita foti evidénsia loos de'it", dehan Komandante Henrique.

Nia husu ba komunidade sira katak bainhira hetan ema ruma mak fa'an motorizada laiha dokumentu ho folin ne'ebé barratu, tenke kontaktu kedas ba iha polísia hodi nune'e bele buka-tuir.

"Tanba agora ita akompaña iha tinan hirak ba kotuk ne'e, motoriza lakon barak, agora ita foin rekolla hamutuk 24, ita mós husu ba iha sira- ne'ebé mak motorizada lakon, para bele mai hato'o keixa para atu nune'e ita hodi prosesa.

Nune'e mós na'in ba motorizada sira tenke konfirma ba parte polísia hodi hatene loloos motorizada no kontinua prosesu ba Ministériu Públiku maka deside.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com