Tama Ilegál mai TL, PNTL Kaptura Suspeitu JA iha Bekora

Komandante PNTL munisípiu Dili, Superintendente Xefi, Henrique da Costa ko'alia ba Jornalista sira iha nia kna'ar fatin iha Kaikoli Dili, Kuarta (27/1) Komandante PNTL munisípiu Dili, Superintendente Xefi, Henrique da Costa ko'alia ba Jornalista sira iha nia kna'ar fatin iha Kaikoli Dili, Kuarta (27/1) Foto Tempo Timor

Tempotimor (Dili)- Iha tersa (26/01), maizumenus iha tuku 05:00 oras lorokraik, Polísia Nasional Timor-Leste (PNTL), liuhusi komando munisípiu Dili, hetan xamada husi ekipa konjunta Covid-19 nian hodi informa katak deskonfia ema ida tama ilegal husi Indonezia mai Timor Leste liu husi tasi mai hela iha Aldeia Kakeu Laran, Suku Bekora, postu administrativu Cristo Rei, munisípiu Dili.

Komandan PNTL Dili ne'e informa, hafoin nia parte simu informasaun ne'e, Komando Munisípiu Dili (KMD) orienta kedas nia ekipa patrullamentu husi eskuadra Cristo Rei ba iha fatin refere no hetan duni iha sidadaun feto ida ho naran inisial JA (35) mak tama ilegalmente mai iha territóriu Timor-Leste (TL) iha loron sanulu ba kotuk.

"Entaun, ekipa konjunta hamutuk ho ita nia parte patrulla Cristo Rei ninian obrigatóriamente foti sidadaun ne'ebé tama ilegal ne'e ho uma-na'in ka família ne'ebé maka simu sidadaun ilegal ne'ebé hela iha ne'ebá ne'e, lori kedas ba iha fatin Kuarantena Tibar ninian", informa Komandante PNTL munisípiu Dili, Superintendente Xefi, Henrique da Costa ba iha nia kna'ar fatin Kaikoli, kuarta (27/01).

Nia hatutan, iha prosesu identifikasaun ba suspeitu ne'ebé tama ilegal ne'e, autoridade sira ne'ebé kompostu husi PNTL Dili hamutuk ho Ministeriu Saúde (MS) nian lori mós membru família hamutuk ema na'in sanulu ba iha fatin izolamentu iha Kuarantena Tibar durante loron sanulu-resin-haat hafoin kontinuasaun ba prosesu tuir mai.

"Polísia investigasaun ne'e, ita sei bolu sidadaun refere para hodi halo identifikasaun, kontinua prosesu, tanba saida maka nia tama ilegal, nia tama husi ne'ebé, Será ke nia sidadaun timor ka, nia agora sai sidadaun Indonézia ninian, depois ita sei buka tuir", dehan nia.

Nia mós husu ba família sira katak, bainhira iha sidadaun ruma ka sira nia família runa mak tama ilegál husi Indonézia mai TL, husu atu informa kedas ba ekipa MS ho PNTL atu lori kedas ema sira ne'e ba kumpri iha fatin izolamentu iha kuarantena sira, nune'e moras ne'e labele da'et fali ba ema seluk.

"Família sira labele simu i rai hela de'it sira, tanba karik hanesan ema hirak ne'e mak lori moras ruma, entaun nia sei hadaet ba família sira, i sei hadaet ba ema hotu", nia fó hanoin.(*).

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter