Login to your account

Username *
Password *
Remember Me

COVID-19: FM La Aseita Estadu Krimininaliza Sidadaun Timor-oan

Diretur ezekutivu Fundasaun Mahein (FM), João Almeida iha nia kna'ar fatin Diretur ezekutivu Fundasaun Mahein (FM), João Almeida iha nia kna'ar fatin Foto arkivu

Tempotimor (Dili) - Fundasaun Mahein (FM) la aseita kriminaliza sidadaun Timor-oan ne'ebé liuhosi dalan ilegál tanba propagasaun surtu COVID-19.

Diretór Ezekutivu Fundasaun Mahein (FM), João Almeida hatete, aseita ho hanoin atu kria Task Force hodi atua movimentu ilegál maibé la aseita kriminaliza sidadaun sira-ne'ebé ho esforsu aan mesak hakat fila mai nia rai rasik.

Tuir nia, estadu TL abandona nia sidadaun iha estranjeiru durante pandemia Covid-19 akontese iha mundu no sai ameasa ba saúde.

"Bainhira rai hotu-hotu evakua nia ema bainhira Covid-19 ameasa iha ema-nia rai, estadu Timor-Leste abandona tiha sira, entaun bainhira fila ho meiu ilegál ne'e presiza tenke haree no apresia sira-nia konsiénsia, maske tama ilegál maibé sira entrega-aan ba polísia no saúde nian atu kuarentena," dehan João ba www.tempotimor.com iha nia Knar fatin Fomento Dili, tersa (26/01).

João akresenta atu sidadaun sira-ne'ebé mak ilegalmente tama mai TL tenke kolabora ho parte seguransa no saúde nune'e bele submete ba kuarentena hanesan parte kontribuisaun ba prevensaun Covid-19.

Antes ne'e Ministru Defeza, Filomeno Paixão hatete presiza kria Task force husi institusaun relevante tanba konsidera defeza no seguransa nasionál iha fronteira la'ós responsáblidade husi parte defeza no interiór nian de'it, maibé iha ministériu hotu-hotu tenke kria liña koordenasaun.

Nune'e mos Brigadeiru-Jeneral Joao Miranda 'Aluc' konsidera movimentu tama-sai ilegál risku tebes tanba relasiona ho surtu covid-19 no husu atu governu fó sansaun disiplinár ida ne'ebe maka'as ba sidadaun sira tama ilegál iha fronteira.(*)

Rate this item
(0 votes)
Last modified on Tuesday, 26 January 2021 11:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter