Komandu Polísia Nasionál Timor-Leste (PNTL) deteta ona fatin sira ne'ebé ema uza hodi tama-sai ilegál no mos planeia ona atu instala postu seguransa haat iha liña fronteira ninian.
Komandante PNTL, Komisáriu Faustino da Costa, hateten durante inísiu PNTL iha ona postu vizilánsia iha fatin balun, no iha situasaun EE ba dasia nian, sira mós harii tan postu vijilánsia iha fatin ne'ebé durante ne'e deskonfia iha movimentu ilegál.
"orientasaun fó sai ona para aumenta tan postu vijilánsia haat iha área ne'ebé identifika hanesan fatin ne'ebé poténsia ba ema bele hakat ilegál," Komisáriu Faustino da Costa hateten.
Nia informa, fatin haat ne'ebé durante sira deskonfia ema tama ilegál, ida maka munisípiu Likisá ba to'o iha Maliana, rua iha parte Kovalima-Suai no mós ida iha Rejiaun Administrativa Espesial Oekussi Ambeno (RAEOA) nian.(*)