Print this page

2020, PNTL Covalima Rejista Kazu 193

By January 25, 2021 784
Komandante Operasaun PNTL Munisípiu Covalima, Inspetór Xefe Gaspar Mendonça da Costa iha nia kna'ar fatin iha Covalima Komandante Operasaun PNTL Munisípiu Covalima, Inspetór Xefe Gaspar Mendonça da Costa iha nia kna'ar fatin iha Covalima Foto Tempo Timor

Tempotimor (Covalima) Komandante Operasaun PNTL Munisípiu Covalima, Inspetór Xefe Gaspar Mendonça da Costa informa, kazu ne'ebé PNTL Covalima rejista hamutuk 195, ne'ebé ho tipu krime oin-oin, hanesan kazu asalta malu, violénsia doméstika no asaltu seksual (asediu sexual). Husi tipu kazu hirak ne’e, kazu asalta malu mak númeru aas liu, iha Munisípiu Covalima.

“Iha tinan 2020 PNTL Munisípiu Covalima rejista kazu 195 no kazu hirak ne’e enkamiña hotu ba iha Ministériu Públiku, hodi halo Prosesu” dehan Komandante Operasaun PNTL Munisípiu Covalima, Inspetór Xefe Gaspar Mendonça da Costa, ba www.tempotimor.com, iha nia knaar fatin, Kuartel Jerál PNTL Covalima. Sesta (22/01)

Inspetór Xefe Gaspar Mendonça da Costa salienta, atu minimiza númeru hodi labele mosu bebeik kazu ne'ebé hanesan, mak PNTL destaka ona Ofisiál Polísia Suku (OPS), iha suku 30 ne'ebé lokaliza, iha Munisípiu Covalima.

“PNTL estabelese ona Ofisiál Polísia Suku, iha Suku hotu-hotu, iha Munisípiu Covalima, ita orienta nafatin OPS hanesan komandu Polísia Munisípiu nia liman-ain, ne'ebé halo knaar iha Suku to’o aldeia. Entaun liu husi OPS sira, ita nafatin halo patrullamentu nomos hakbesik-aan nafatin ba iha komunidade, hodi minimiza númeru kazu ne'ebé ita rejista”, tenik nia.

Komandante Operasaun PNTL Munisípiu Covalima mos, husu ba komunidade, liu-liu ba joven sira, atu idak-idak hakmatek iha fatin, hodi hala’o idak-idak nia aktividade, nune’e bele kontribui ba paz no estabilidade, iha Covalima.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items