Jenerál husu governu kria kondisaun hanesan fardamentu no nesesidade bázika militár nian.
Xefe Estadu hateten, rekrutamentu prevé ba fulan marsu no abríl, maibe nia reuniaun ho lojístika dehan kondisaun laiha, liuliu kona-ba Fardamentu laiha, kilat laiha, kilat musan la iha
"Uma ne'e problema laiha tanba ha'u iha uma sanulu resin iha ne'ebá bele saida, tanba ne' ha'u hanoin katak polítiku sira, governu sira kria lalais kondisaun, meius liuliu fardamentu. Kondisaun ne'ebé ami haruka ba ona ne'e, ami haruka ba", dehan Lere ba Jornalista sira iha Palásiu Prezidensiál, Bairu- Pité, Dili, kuarta (20/1).
Lere informa ba Prezidente Repúblika katak ida tenderizasaun ba sasan militár ne'e dalaruma iha Timor karik.
"Foin daudaun fardamentu ha'u informa ba públiku ne'e fardamentu ba militár sira rekrutamentu mai kompañia rua, kompañia ida mak SIRTEK tinan-tinan fó farda ba ita ne'e, ho tan kompañia lokal ida naran Haksolok, se mak mana, SIRTEK mak manán, maibe laiha governu mak fo fali ba kompañia Haksolok", dehan Lere.
Lere informa, Kompañia Haksolok mak manan, nia husu fali Haksolok.
"O atu ba sosa farda iha-ne'ebé, ó atu sosa iha SIRTEK, nia mak SIRTEK karik, nia mak bdle hasa'e nia folin, o hakarak sosa, sosa, ó lakohi sosa to'o ona tanba la'ós ó mesak," Lere kestiona desizaub Governu nian.
"Agora sira nian atu ba sosa iha-ne'ebé, iha Indon ne'e úniku, iha Indonézia fabriku úniku fardamentu ne'e SIRTEK de'it, akordu ne'ebé ke maun Xanana halo iha 2010", informa Lere
Lere dehan, nia la'ós polítiku, nia la'ós kontra polítiku sira mas kuandu polítiku sira kuandu troka malu ne'e ida-idak halo ninian.
"Rekrutamentu la pendente, farda laiha, hatais ninia kalsa mak ba halo rekrutamentu, kilat laiha, kilat ne'ebé iha ba lori ida-ne'e mak ba halo rekrutamentu ba tiru kilat musan laiha, kilat veteranus sira nian 500 ou 600 iha armazein ne'ebá," Lere realsa.
Loloos ne'e Lere prevee rekrutamentu militár foun 1200 iha 2021 100, primeiru tornu 600 iha segundu tornu.
"Mais ha'u rona katak orsamentu laiha, orsamentu laiha ba mill duazentus mas agora orsamentu la iha ne'e la'ós problema ha'u nian", haktuir Lere.(*)
