PNTL Observa Komunidade 75% Kumpri Ona Regra EE Dasia

Segundu Komandante PNTL munisípiu Dili, Superintendente Polísia, Euclides Belo koalia hela ba jornalísta sira nia knaar fatin Kaikoli, tersa (19/01) Segundu Komandante PNTL munisípiu Dili, Superintendente Polísia, Euclides Belo koalia hela ba jornalísta sira nia knaar fatin Kaikoli, tersa (19/01) Foto Tempo Timor

Tempotimor (Dili)- Polísia Nasional TimorLeste (PNTL), liuhusi Komando Munisípiu Dili (KMD), liuhusi atividade sensibilizasaun no operasaun nian, observa katak purseuntu hitu-nulu-resin-lima (75%) komunidade iha munisípiu Dili kumpri ona regra Estadu Emerjénsia (EE) dasia nian, hanesan uza máskara no distánsiamentu sosial ka fíziku.

Segundu Komandante PNTL munisípiu Dili, Superintendente Polísia, Euclides Belo dehan, durante observasaun polísia nian, iha sira nia atividade sensibilizasaun ho sosializasaun ne'ebé sira halo, komunidade barak mak kumpri ona regras Estadu Emerjénsia (EEL dasia nian.

"Tanba ne'e maka parte PNTL nia haree katak 75% ne'e, ita nia sidadaun iha Dili ne'e sira sente katak ne'e importante, tanba ne'e maka ita haree katak ita nia komunidade ne'ebé halo movimentu iha Dili ho motor, kareta, ita observa jeralmente, kuandu sai husi uma, sira uza máskara", Superintendente Polísia, Euclides Belo hateten iha nia kna'ar-fatin, tersa (19/01).

Nia hateten, maske PNTL rasik seidauk iha gráfika ruma hodi sai nu'udár indikadór atu haree ema na'in hira mak kumpri, hira mak la kumpri, maibé jeralmente sira haree katak komunidade sira iha ona konsiénsia rasik hodi kumpri hanesan uza máskara.

"Sira konsiente katak Covid-19 ne'e fó ameasa ba ema nia vida, la'os ameasa de'it, kuandu kona ne'e mate. Tanba ne'e maka duke ita mate, di'ak liu ita prevene", nia dehan.

Nia mós informa, durante sira nia sensibilizasaun, iha komunidade balu mak la uza máskara, maibé PNTL, liu-liu servisu sekreta, polisiamentu komunitáriu sira husu dehan, sira laiha duni maskara atu uza.

"Tanba ne'e maka PNTL husu apoiu ba parte Saúde nian fó apoiu máskara, i ami sempre rezerva máskara rua-tolu iha kareta laran, kuandu sira laiha, ami fó", Euclides subliña.

Nia hatutan, durante halo sensibilizasaun, parte konjunta hanesan PNTL ho MS sempre esplika mós ba komunidade sira kona-ba funsaun loloos husi uza máskara mak atu proteze aan husi moras oioin, liu-liu halo prevensaun ba surtu Covid-19 iha TL.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks