Deskonfia Tiru Karau iha Same, PNTL Konsidera Informasaun Laloos

Karau ne'ebe deskonfia tiru ho kilat iha suku Dotik, Postu-Administrativu Alas, Munisipiu Manufahi Karau ne'ebe deskonfia tiru ho kilat iha suku Dotik, Postu-Administrativu Alas, Munisipiu Manufahi Foto Facebook

Tempotimor (Dili)- Informasaun ne'ebe deskonfia membru Polisia Nasional Timor-Leste (PNTL) no FALINTIL Forsa Defeza Timor-Leste (F-FDTL) tiru komunidade nia karau iha Suku Dotik, Postu-Administrativu Alas, Munisipiu Manufahi ne'e laloos.

Komadante Jeral PNTL, komisariu Faustino da Costa hateten katak, imajen karau mate ne'ebe viral iha media sosial ne'e imajen iha tinan hirak liu-ba, la'os foin akontese.

"Ne'e atu dehan de'it, buat ne'e informasaun dalaruma ita simu, ha’u nia portavoz mos hato'o ona, ekipa ba tantu husi parte PNTL nomos ita nia F-FDTL postu ne'ebe destakadu iha ne'eba ba hasoru duni Padre ko'alia ida ne'e", Faustino hateten lia hirak ne’e hafoin sorumutu ho Primeiru Ministru Taur Matan Ruak iha palasiu governu, tersa (19/01).

Komjer afirma, Amu Lulik ne'ebe publika fali foto komunidade nia karau mate ne'e, husu ona deskulpa katak, imajen ne'e la'os foin akontese, maibe liu ona iha tinan hirak liu-ba.

"Mais ita boot sira kala akompana iha media social, Amu rasik divulga katak, nia husu deskulpa, tanba buat ne'e foto ne'ebe iha tinan balun ba kotuk nian mak nia foti re-post fila-fali", nia haktuir.

Antes ne'e, komunidade kestiona kona-ba karau ne'ebe mate tanba deskonfia tiru ho kilat. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks