Login to your account

Username *
Password *
Remember Me

Komandante Henrique husu Públiku Keixa Membru ne'ebé Servisu la imparsiál iha terrenu

Komandante PNTL munisípiu Dili, Superintendente Xefi, Henrique da Costa koalia hela ba média sira iha nia kna'ar-fatin Kaikoli, sexta (15/01) Komandante PNTL munisípiu Dili, Superintendente Xefi, Henrique da Costa koalia hela ba média sira iha nia kna'ar-fatin Kaikoli, sexta (15/01) Foto Tempo Timor

Tempotimor (Dili)- Komandante Polísia Nasionál Timor-Leste (PNTL), husi munisípiu Dili, Superintendente Xefe, Henrique da Costa husu ba públiku bainhira identifika membru ruma mak hala'o servisu la imparsiál iha terrenu hato'o keixa ba nia nune'e bele foti medida tuir lei dsiplinár polísia nian.

Komandante Henrique hato'o deklarasaun ne'e realsiona ho atividade pasa-revista ne'ebé membru sira hala'o iha kinta (14/01) kalan, maizumenus tuku 20:00 kalan, iha besik sport nia oin ne'ebé iha membru balu hatudu atitude diskriminasaun ba motorista sira-ne'ebé laiha dokumentu haruka liu de'it, tanba iha relasaun família no kolega ba malu, maibé sira-ne'ebé laiha relasaun, tránzitu sira transporta motorizs ba butuk iha Kaikoli.

"Ha'u lee informasaun ne'e iha mídia, maibé ha'u hakarak atu hatete hanesan ne'e, ita hakarak atu hadi'a ita-nia polísia, karik balu observa ida-ne'e diretamente iha terrenu, ka balu sai vítima ba ida-ne'e, mai hato'o keixa ba komandante para atu nune'e ita bele foti medida", hatete Komandante Munisípiu Dili (KMD), Henrique da Costa iha nia kna'ar-fatin Kaikoli, sesta (15/01).

Nia dehan, bainhira Ita-boot (jornalísta) sira koalia de'it iha mídia, jeneraliza de'it buat hotu, oinsá bele hadi'a.

"Sé Ita-boot sira hadomi polísia, hadomi PNTL komandu munisípiu Dili, lori ema ne'e nia identidade mai, ita loke prosesu ba ema ne'e", tenik nia.

Nia haktuir, bazeia ba orientasaun ne'ebé fó husi komandu, la'ós atu hamosu fali diskriminasaun ba motorista sira iha terrenu, maibé karik buat ruma sees husi orientasaun ne'ebé komando fó, husu atu hato'o keixa ba sira atu nune'e bele foti medida ruma ba iha atuasaun sira mak hanesan akontese dadaun.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter