Polísia Tránzitu Pasa Revista iha Ámbitu EE 'Hamosu Diskriminasaun no Problema'

Polisia Nasional Timor-Leste (PNTL) liu-husi unidade tranzitu ne'ebe hala'o hela pasa revista ba dokumentus motor nian ho motor sira ne'ebe prende ona para hela iha portu Dili nia oin, kinta (14/01). Polisia Nasional Timor-Leste (PNTL) liu-husi unidade tranzitu ne'ebe hala'o hela pasa revista ba dokumentus motor nian ho motor sira ne'ebe prende ona para hela iha portu Dili nia oin, kinta (14/01). Fotp Tempo Timor

Tempotimor (Dili)- Polísia Nasionál Timor-Leste (PNTL) liuhusi Unidade Tránzitu pasa-revista (Cek Point) iha ámbitu implementasaun Estadu Emerjénsia 'halo diskriminasaun no hamosu problema'.

Tuir observasaun jornalista tempotimor nian iha terrenu nota katak, maizumenus tuku 8:10 membru polísia tránzitu hala'o pasa revista iha portu Dili nia oin la profísional, tanba ema balun ne'ebé laiha dokumentu no laiha karta kondusaun, maibé tránzitu sira koñese ne'e husik liu de'it, prende de'it mak sira-ne'ebé sira la koñese.

Pesoa ida-ne'ebé hetan mós prende husi polísia tránzitu, Juvinal da Cruz informa, sira balun dokumentu laiha no karta kondusaun mós laiha maibé polísia koñese no dalaruma sira-nia família ne'ebé haruka ba tiha de'it.

"Polísia sira-ne'e tilan ema, ida sira koñese ne'e la tahan nia motorizada, padahal sira ne'e mós poísia tilan ami hamutuk, sira balun sim ho surat laiha polisia haruka ba tiha, tahan hela de'it mak ami", Nia informa iha portu Dili nia oin, kinta (14/01).

Nia hatutan, balun polísia prende tiha kontaktu ba nia maun sira mai foti tiha.

"Balun polísia tilan tiha telfone ba sira-nia maun foti tiha de'it, ami mak sira tahan hela, polísia labele halo hanesan ne'e, tilan ne'e tilan hotu, labele husik balun liu de'it", nia dehan

Iha fatin hanesan, feto ida polísia tránzitu prende tiha ninia motorizada ne'ebé dokumentu no sim laiha, maibé tanba de'it dehan atu ba hare ninia família moras iha Hospital Nacional Guido Valadares (HNGV), entaun husik ba tiha.

"Maun, hau-nia amá moras iha ospitál atu ba haree, maun bele ajuda ha'u ga lae," feto ne'e husu harohan ba ba membru polísia tránzitu.

Membru polísia tránzitu ne'e fó resposta ho nune'e "Ok, ha'u bele ajuda, maibé ajuda o de'it, o nia maun nia motorizada hela", resposta membru polísia tránzitu ne'e ba feto-oan ne'e.

Iha atividade pasa-revista ne'e, polísia tránzitu baku membru F-FDTL ida ne'ebe uza roupa sívil ho motorizada Vixon Rider kór mutin iha fatin refere tanba de'it ko'alia hasoru hafoin prende lutu nasaun ne'e ninia motorizada.

Nune'e, liu oras balun de'it Polísia Militár (PM) ho karreta isin ida to'o kedas iha fatin pasa-revista portu Dili nia oin, hodi ko'alia no rezolve ho polísia tranzitu.

Pasa revista ne'ebe halo iha portu Dili nia oin, polísia tránzitu prende motorizada kuaze 20-resin no lori hotu ona ba Komandu PNTL munisípiu Dili, Kaikoli. (*)

Rate this item
(0 votes)
Last modified on Friday, 15 January 2021 08:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter