Segundu Komandante PNTL munisípiu Dili, Superintendente Asistente Polísia Euclides Belo, hatete iha tempu estadu emerjénsia (EE) alende asegura seguransa inklui kontrolu movimentu transporte roduviária.
Nune'e mós PNTL Munisípiu Dili ajuda ekipa Task Force halo sensibilizasaun ba komunidade oinsá atu kumpri regra EE ne'ebé governu dekreta dekretu númeru 21/2020 medida prevensaun no kombate Covid-19.
"Komandu PNTL Munisipiu Dili fo apoiu másimu ba ekipa saúde nune'e mós pilár sira-ne'ebé mak establese husi Ministériu Saúde nian, para bele luta kontra Covid-19 ne'e PNTL fó apoiu másimu laiha rohan," dehan Euclides iha Kaikoli Dili, Kinta (7/01).
Euclides esplika Komandu Munisípiu Dili hola parte mós iha ekipa Task Force Munisípiu Dili nian hodi halo sensibilizasaun ba komunidade sira atu kumpri regra EE.
"Liuliu pontu hirak ne'ebé inportante maka utiliza masákra taka inus, ibun, distansiamentu sosiál no fase-liman obrigatóriu," dehan Euclides Belo.
(*)