Vise-ministru Interior (Vice-MI) Antonio Armindo informa, planu harii postu ne'e ba Unidade Patrollamentu Fronteira (UPF) hamutuk 6 inklui Eskuadra PNTL ai-mutin, ne’ebé daudaun ne’e prepara ona.
"Aprezenta ezekusaun 2020, ida postu sira ne'ebé ita promete atu halo ba UPF, orsamentu foin lalais ne'e aprova, agora prepara par parte administrasaun, kuandu Prezidente Republika promulga ona, ita bele fo sai ona tender par bele hahu konstrusaun iha 2021", António Armindo hateten hafoin hasoru-malu ho Primeiru Ministru (PM) no atual Ministru Interior (MI) Taur Matan Ruak iha palasiu governu, Tersa (15/12).
Nia mos relata kona-ba ezekusaun Orsamentu Jeral Estadu OJE tinan 2020 iha Ministeriu Interior nian ne'ebe atinji ona pursentu 95.
"Ministeriu Interior ne'e, atinji ona pursentu 95, PNTL nian atinji ona pursentu 96, kuandu halo tan pagamentu ba iha salariu fulan dezezembru nian bele sa'e tan ba 97 ou 98 pursentu", nia hateten. (*)