Login to your account

Username *
Password *
Remember Me

Covid-19 Aumenta iha RI, PNTL “Bandu” Timoroan Hakat ba Sorin

 Portavoz Komandu Jerál PNTL Superintendente xefe Arnaldo Araújo Portavoz Komandu Jerál PNTL Superintendente xefe Arnaldo Araújo Foto Arkivu

Tempotimor (Dili)- Oras ne’e daudauan númeru Covid-19 hahú aumenta hikas iha nasaun viziñu Indonézia, maka Polísia Nasionál Timor-Leste (PNTL) husu ba sidadun Timor-Leste liu-liu iha fronteira atu para viajen ba Indonézia.

Portavoz Komandu Jerál PNTL Superintendente xefe Arnaldo Araújo hateten, nasaun viziñu Indonézia oras ne'e númeru moras aumenta, entaun presiza hakmatek iha fatin no tuir regras sira ne'ebé Ministériu Saúde (MS) fó sai.

"Moras covid iha nasaun viziñu Indonézia oras ne'e sa'e maka'as liu-liu sira ne'ebé iha fronteira, tanba ne'e husu ba sidadaun sira evita viajem ba Indonézia, mantein distánsia sosiál, uza maskara no fase liman bei-beik, depois ne'e la'ós ba sira iha fronteira de'it, maibé iha teritóriu nasionál," Arnaldo hateten liuhusi konferénsia imprensa iha Sentru Formasaun Polísia (SFP) Komoro, Kinta (10/12).

Nia afirma, PNTL nu'udar seguransa povu nian, hakarak informa ba públiku katak, di'ak liu prevene duké moras ne'e estraga Timor-Leste.

"PNTL iha dever morál fó hatene ba ema hotu, katak eviata viajem ba Indonézia hodi hola sasan, depoia lori fali risku ka moras ne'e mai daet iha povu TL," nia dehan.

Entretantu, númeru Covid-19 iha mundu tomak ne'ebé hetan konfirmadu hamutuk 68.792.363, rekuperadu iha 44.206.611 no númeru óbitu iha 1.567.056, maibé espesialmente iha nasaun viziñu Indonézia dadaun ne'e kazu konfirmadu hamutuk 586.842, kazu rekuperadu iha 483.497 no kazu óbitu iha 18.000, alende ne'e iha fronteira parte Nusa Timur Tengah (NTT) kazu konfirmadu iha 1.475, rekuperadu iha 762 no kazu óbitu iha na'in 29.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter