Print this page

OJE 2021, MI Aloka millaun $38 ba PNTL

By December 10, 2020 1243
Vise ministru interior, António Armindo koalia ho jornalista sira iha Parlamentu nasional Dili, Kuarta (9/12). Vise ministru interior, António Armindo koalia ho jornalista sira iha Parlamentu nasional Dili, Kuarta (9/12). Foto Tempo Timor

Tempotimor (Dili) - Ministériu Interiór iha tinan 2021 sei aloka orsamentu ba Polisia Nasionál Timor-Leste (PNTL) hamutuk millaun $38 hodi hadia Infra-estrutura inklui kapasitasaun ba membru.

Vise ministru interior António Armindo konsidera orsamentu ne’ebé aloka ba PNTL iha tinan 2021 bo'ot tanba aloka ba sosa viatura (transporte) hodi troka transporte sira ne'ebé aat, aloka hodi halo Infra-estrutura hanesan hari edifisiu eskuadra, sosa komputadór, inklui treinamentu ka kapasitasaun.

"Hamutuk millaun $38 ba PNTL de’it, montante ne'ebé bo'ot," António hateten iha Parlamentu Nasionál Dili, Kuarta (09/12).

António esplika, kona-ba kapasitasaun PNTL iha rasik nia formadór inklui TLPDP ne'ebé suporta husi governu Austrália inklui iha parseiru seluk hanesan husi Portugál ne'ebé konsidera hanesan soft skill traning.

Governante ne'e hatutan, kapasitasaun ba PNTL sei transforma husi membru PNTL sira ne'ebé antes ne'e kursu ona iha rai liur no sempre hala’o rutina hodi aumenta koñesimentu ligadu ho servisu atendimentu públiku.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items