Vise ministru interior António Armindo hateten, MI asina ona MoU ho Centro Nacional CHEGA atu involve hotu iha formasaun sira ne'ebé halai liu ba respeitu direitu umanu.

"Formasaun ne'e importante ba membru PNTL sira nune’e ita sei servisu hamutuk ho Chega atu haree materia ne'ebé mak sei hala’o iha tinan oin," António hateten iha Parlamentu Nasionál Dili, Kuarta (09/12).

António hateten, hahalok agregasaun fiziku hasoru komunidade ne'e individu ka Oknum PNTL balun mak halo, nune'e komandu PNTL rasik toma ona antensaun no hatun ona despaixu atu halo investigasaun.

Antes ne'e kazu atuasaun Oknum PNTL ba komunidade balun iha Lacluta Viqueque bainhira la sastivas ho Sesta Bazika hetan reasaun makaas husi publiku tanba aktus Oknum PNTL iha terrenu baku komunidade bainhira mosu dezintendementu ruma.

Nia mós informa katak, Komandu PNTL investiga ona oknum PNTL ne'ebé baku komunidade iha Lacluta nian. (*)