Komandante jerál PNTL hato’o lia hirak ne’e, hafoin audiénsia ho Preziente Repúblika (PR) Francisco Guterres Lú Olo iha Palásiu Prezidensiál Bairru-pite, Kinta (26/11).

“Prosesu la’o hela, PNTL mós hatene katak bele iha impaku, la’ós ba PNTL de’it, maibé ba mós konsumidór hotu, mais ita hein katak prosesu hotu sei la’o ho di’ak,” Faustino hateten ba jornalista sira.

Kona-ba dívida husi telekomunikasaun Telemor ba PNTL, nia dehan, komandu sei haree husi parte administrasaun nian hafoin relata fali ba governu.

“Telemor nia tusan ba PNTL ne’e hahú kedas iha 2017, ne’ebé ho situasaun ida ohin loron, PNTL sei haree, ne’ebé hira mak selu ona no hira mak seidauk ne’e ha’u la lembra,” nia ko’alia.

Entretantu, parte Polísia Nasionál Timor-Leste liuhusi Servisu Investgasaun Kriminál (SIK) halo ona asegurasaun ba Diretór kompañia Internasionál Elit Komputér, CEO Telemor no Prezidente ANC, liga ho kazu ne’e.(*)

PUBLISIDADE