Login to your account

Username *
Password *
Remember Me

Tinan Tolu Ona Militár Kontinua "Hakdasak"

Xefe Estadu Maiór Jenerál F-FDTL, Maijór Jenerál Lere Anan Timur ko'alia ba Jornalista sira iha Palasiu Prezidensial hafoin hasoru malu ho PR, Kuarta (25/11) Xefe Estadu Maiór Jenerál F-FDTL, Maijór Jenerál Lere Anan Timur ko'alia ba Jornalista sira iha Palasiu Prezidensial hafoin hasoru malu ho PR, Kuarta (25/11) Foto Midia PR

Tempotimor (Dili)- Maske governu daualu eziste ona tinan tolu, maibé Ministru Defeza no Seguransa (MDS) Filomeno da Paixão de Jesus seidauk halo buat barak, nune'e parte defeza no seguransa kontinua falta buat barak.

Xefe Estadu Maiór Jenerál F-FDTL, Maijór Jenerál Lere Anan Timur, molok ne'e ministru Filomeno mak ko'alia bei-beik kona-ba dezenvolve defeza no seguransa, maibé realidade oin seluk, entaun kontinua akompaña mandatu tinan rua ne'ebé sei iha.

"Ministru defeza agora ne'e la'ós foun, ema ne'ebé uluk ko'alia bei-beik katak dezenvolve forsa armada, agora nia sai MDS, lahatene dezenvolve ka lae, falta tinan rua, tinan rua nia laran ne'e nia halo buat ruma ka lae. Tanba, to'o agora ami buat barak mak sei falta. Ezemplu simples, medalla oan ne'e mós ha'u propoin ona tinan lima ba kotuk mós to'o agora ami laiha medalla. Polísia sira sa medalla rebo-rebo loos, mais ami laiha. Lahatene governu mak lakohi mak ne'e ka seidauk aprova ba ami," Lere hateten ba jornalista sira iha Palásiu Prezidensiál Bairru-pité, Kuarta (25/11).

Lider Militar ne'e mós dehan, kona-ba dezenvolvimentu militar nian la'ós di'ak liu, maibé naton ona.

"Ami-nia preokupasaun primeiru mak kapasitasaun ba rekusru umanu, ami iha ofisiais ne'ebé kapasitadu, ezemplu ha'u-nia xefe estadu, tanba nia hetan formasaun iha rai liur inklui ofisiais sira to'o komandante komponente, ne'ebé la'ós di'ak liu, maibé naton," Lere dehan.

Kona-ba infraestrutura iha defeza no seguransa nian, tenke agradese ba nasaun doadór sira ne'ebé hamutuk ho governu hodi halo dezenvolvimentu ba forsa defeza.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter