“Ita tau ona osan ba iha 2021, atu hare autoridade marítima ne’e la’o halo nusá. Ita preokupa mós ho nia sede. Provizoriamente iha ne’e iha Ministériu Defeza, ita hanoin atu estabelese hamutuk ho komponente naval iha Hera”, Filomeno da Paixão de Jesus hateten ba jornalísta sira iha Kuartel Jenerál Fatuhada, Segunda (09/11).

Nia esplika, autoridade maritima katak, ba ema ida kompostu husi Jenerál to'o ba iha diretór sira, tanba ne’e, iha sistema autoridade ne’e rasik sei hatama hotu osan ba ninia sistema, tanba autoridade maritima ne’e hanesan Institutu Defeza Nasional (IDN), maibé nia iha ministériu nia okos.

"Maibé sira iha sira nia osan, no ministériu defeza mak sei finansia mesak", nia esplika.