Login to your account

Username *
Password *
Remember Me

Governu Husu Estende EE Tanba COVID-19 sei Ativu

Primeiru Ministru (PM) Taur Matan Ruak iha hela plenária Parlamentu Nasionál (PN) hodi defende estensaun estadu emerjénsia ba dahitu. Primeiru Ministru (PM) Taur Matan Ruak iha hela plenária Parlamentu Nasionál (PN) hodi defende estensaun estadu emerjénsia ba dahitu. Foto Supply

Tempotimor (Dili)- Primeiru Ministru (PM), Taur Matan Ruak kontinua husu autorizasaun ba Parlamentu Nasional atu estende Estadu Emerjensia ba dahitu tanba to’o oras ne’e Corona Virus (COVID-19) sei kontinua ativu iha mundu.

"2020 tinan Covid-19 nian, moras aat, moras kontazioju ne'ebé sirkula ba mai iha mundu, afeita, hamate ema no difikulta ema, familia, komunidade nia moris social no ekonomiku", PM Taur hateten liu-husi deklarasaun pedidu estensaun Estadu Emerjensia dahitu iha plenaria tersa (27/10).

Tuir dadus mundiál, to'o ohin loron konsekuénsia husi moras Covid-19, ema millaun ida resin mak mate ona, no 43 millaun resin infetadu iha mundu tomak.

"Infetadu hahu husi ASEAN, Oseania, Amerika, Europa no Afrika, pais 20-resin mak laiha abitu ou mate, felizmente iha grupu pais ida ne'e, Timor-leste mos iha laran", PM relata.

Husi kazu pozitivu Covid-19 hamutuk na'in 30 ne'ebé Timor-Leste iha, na'in 29 rekoperadu, mate laiha no hela na'in ida mak pozitivu, ne'e konkista ida koletivu povu no nasaun nian.

"Ita konsege ida ne'e, tanba investe maka'as tempu no rekursu iha medida prevensaun, hanesan kontrola ema no sasan nia movimentu iha fronteira terestre, maritima, aero no kuarentina rigoroju ba ema ne'ebé tama no sai iha rai laran, hodi identifika no izola kazu importadu hodi labele hada'et ba komunidade nia leet, tau matan ba hijiene pesoal, distansiamentu sosial tuir risku no ameasa ne'ebé halo evolusaun tuir situasaun nian ", PM salienta.

Tuir rezimi juridiku, medidas hirak ne'e, so bele implementa rigor iha sosiedade nia leet.

"Se ita aplika Estadu Emerjensia, ho fundamentu iha situasaun kalamidade públiku", tenik PM.

Tanba ne'e, ohin governu ho haraik an ona husu atu Parlamentu Nasionál bele autoriza no Prezidente Repúblika dekreta hodi renova estadu emerjensia, depois remata ida ne'ebé vigora dadaun.

"Covid-19 seidauk hotu, sei ativa no sirkula ba mai iha mundu tomak, ita labele husik atu moras at ida ne'e, bele hada'et an iha ita nia rain, hodi perturba no hamate ita nia moris", PM dehan.(*)

Rate this item
(0 votes)
Last modified on Tuesday, 27 October 2020 22:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter