Komandante Jerál PNTL, Komisáriu Faustino da Costa, liu husi enkontru, fó sai ona orientasaun ba Komandante PNTL iha munisípiu, atu asegura seguransa durante selebrasaun loron matebian.

"Iha loron hirak liu ba, ami halo enkontru ho komandante munisípiu, unidade sira hotu, ita orienta saida mak sira tenke halo, asegura liu-liu iha loron finadu nian, dia 1 no 2 loron santo no loron matebian," dehan Faustino, iha Kuartel Jerál PNTL Caicoli, Díli, kuarta (21/10).

Alende asegura seguransa, PNTL mos sei halo check point ba movimentasaun transporte, tantu terrestre no marítima. Tanbá tuir Faustino, loron 1 no 2 fulan novembru, monu iha fim da semana no sei férias, tanba ne'e, babain transporte hosi munisípiu diresaun Díli, kuaze laiha, maibé kareta hosi Díli bá munisípiu mak tula pasajeirus la tuir kapasidade transporte nian ka nakonu.

"Saida mak ami tenki hare iha ne'ebá, check point transporte hosi Díli bá Munisípiu," tenik Faustino.(*)